Arkeologia: iraganaren zientzia forentsea hitzaldi-sorta antolatu du Lanbroa Kultur Elkarteak. Lehenengo hitzaldia, Gipuzkoa Goi-Paleolitoko pasaleku, datorren egubakoitzean, maiatzaren 8an, izango da Bergarako Irizar jauregian 19:00etan. Alvaro Arrizabalaga oñatiarrak emango du. Hitzaldi ostean, hizlariarekin afaltzeko aukera egongo da Umore-Ona elkartean. Afarira joan nahi duenak aurrez izena eman beharko du. 

Katastroan daude jasota lur-jabeen terrenoak non dauden, ze tamaina duten eta norenak diren. Arbasoengandik jasotako ezagutza gero eta gutxiagok dute, eta informazioa gaurkotu, zehaztu eta gorde gura da proiektu horrekin, koordenada zehatzak jasoz. Katastroa eguneratzen ere lagunduko du.