Bergara

Ibon Labaien fitxatu du Logroñes taldeak, analista lanak egiteko

Taldeko analista izateaz gain, idazkaritza teknikoko kide ere izango da bergararra –Beñat Labaien Realeko analistaren anaia da–. Azken hiru denboraldiak Txinan egin ditu, Guanghzou Evergrande Taobao taldean, eta 2015ean Arsenal taldeak Indian duen eskolan ere aritu zen.

San Bartolome Eguna ospatuko dute Zabaleta auzoan, barikuan

Obrak egiterakoan bide publikoa erabiltzeko ordenantza berria onartu du Bergarako Udalak

Obrak egitean edukiontzi, hesi babestzaile, aldamio edota gainontzeko ekipamendu eta materialez bide publikoaren erabilera pribatua edo berezia arautzeko udal ordenantza berria behin betiko onartu du Bergarako Udalak, inongo alegaziorik ez aurkeztu ostean. Ordenantzaren hutsegiteek 100 eta 3.000 euro arteko isunak jaso ahal izango dituzte.

Ion Mujika bergararra izan da onena Donostiako Paseo Berriko zeharkaldian

Aste Nagusiaren baitan, Paseo Berriko 50. Zeharkaldia egin zuten atzo, eguaztena, eta Ion Mujikak lortu zuen markarik onena: 35 minutu eta 32 segundo behar izan zituen Zurriola eta Kontxa arteko ibilbidea osatzeko –ia hiru kilometro–. Bestalde, pasa den zapatuan, Zumaiako zeharkaldian ere bera gailendu zen.

Bergara eta Antzuola arteko errepidea moztu egingo dute bihar, ordubetez

GI-632 errepidea bi noranzkoetan itxiko da bihar, egubakoitza, 21,9 eta 22,1 kilometro puntuen artean, Bergara-Antzuola saihesbide zatia bukatzeko lanen ondorioz. Lanak "egoki eta era seguruan" egin ahal izateko, "beharrezkoa da errepidearen zirkulazioa erabat etetea", Foru Aldundiaren esanetan. Hori dela eta, bi noranzkoetan egingo den mozketa hori 12:45etik 13:45era izango da. Mozketak beharrezko seinaleztapenak izango dituela ohartarazi du Aldundiak.

Bergarak eta Mondrak derbiarekin hasiko dute denboraldia

Gipuzkoako Futbol Federazioak 2018-2019 denboraldiko egutegia argitaratu du eta, bertan ikus daitekeenez, Bergarako taldeak Arrasatekoa hartuko du etxean lehen jardunaldian, irailaren 9an. Lehen asteburu horretan, Aretxabaletak Añorgaren aurka jokatuko du, Ibarran.

Bergarako herri bus zerbitzua, abuztuan

Bergarako Udalak herri barruko autobus zerbitzuak abuztuan izango duen ordutegia ekarri du gogora. Lanegunetan eta astelehenetik egubakoitzera bitartean soilik izango da: goizez, 09:35etik 13:45era; eta arratsaldez, 18:35etik 20:00retara. Amillagatik irtengo da autobusa.

Bergara eta Antzuola arteko errepidea berriz itxiko dute eguerdian

Pasa den asteko eguenean egin zuten moduan, gaur, astelehena, bigarrenez itxiko dute GI-632 errepidea, Antzuola eta Bergara artean. 21.900 eta 22.100 kilometro puntuen artean etengo dute zirkulazioa, bi noranzkoetan, 12:45etik 13:45era.

Suak labe bat eta teilatu zati bat kaltetu ditu Bergarako TTT enpresan

16:00ak inguruan piztu da sua Bergarako San Juan auzoan dagoen TTT enpresan. Mantentze-lanetan ari zirela, sua hartu du olio upel batek. Labe bat eta teilatu zati bat erre dira ondorioz, baina zauriturik ez da izan. Enpresa itxita dago, oporretan, eta mantentze-langileak bakarrik zeuden barruan, gertaera izan denean.

Bergara eta Antzuola arteko errepidea erabat itxiko dute ordubetez

Bihar, eguena, itxiko dute, 12:45etik 13:45era, bi noranzkoetan. 200 metroko tartea izango da itxita egongo dena, 21.900 eta 22.100 kilometro puntuen artean.

Zaldian ibiltzeko hainbat aukera daude Debagoienean

Abuztuan zehar bisita gidatuak egiteaz gainera, zaldian ibiltzeko aukera ere badago. Bergaran, Aretxabaletan eta Oñatin eskaintzen dute zerbitzua.

Jose Miguel Laskurain: "Mundu osoko eta hain maila altuko 150 zuzendarirekin egotea luxua da"

Huelvan da Laskurain, Orkestra Zuzendaritzako Munduko Topaketan parte hartzen. Bergarako Musika Eskolan txistuko irakasle eta Bergarako Txistulari Bandako zuzendari denak irakasle lanak egingo ditu bertan, Zuzendaritza-teknika eta Errepertorio ikasgaietan. Hilaren 13ra arte egongo da bertan. Goienak elkarrizketa egin dio.

Belaunaldien arteko trukea

Aurten ere, Bergarako Udalak auzolandegiak jarri ditu ditu martxan. Espainiako hainbat tokitatik etorritako 18 gazte Belaunaldi Trukaketa deituriko auzolandegian parte hartzen ari dira, Mizpirualde egoitzan. Goiz eta arratsaldez egoiliarrekin jarduerak egiten dituzte, baina turismo pixka bat egiteko tartea ere badaukate: pasa berri den asteburuan, esaterako, Gipuzkoako kostaldea ezagutu dute.

KUP-ek zutik jarri du nazioarteko publikoa