Mizpirualde Egoitzako Astea ospatuko dute gaurtik zapatura bitartean

Idoia Aranbarri Arzuaga

Mizpirualde egoitza.

Aste osoan zehar ospatuko dute Mizpirualde Egoitzako Astea. Hainbat kultura ekitaldi antolatu dituzte, eta Bergarako Musika Eskolako ikasleek eta Alai Berri taldeak hartuko dute parte, besteak beste.

Astelehenean, 17:30ean, Canciones para el recuerdo emanaldia izango da; ostean, Musika Eskolako biolin taldearen txanda izango da. Martitzenean, berriz, Fit gipsy dance ikuskizuna, 17:30ean, eta, ostean, Musika Eskolako haurren abesbatza. Eguaztenean, Eibarko jubilatuek dantza ikuskizuna egingo dute, 17:15ean, eta Musika Eskolako gitarra eta trikiti taldeak kontzertua emango du. Eguenean, 17:15ean, Jokin akordeoi-jolea izago da. Egubakoitzean, berriz, Eibarko ballet taldea arituko da, 17:30ean, eta Alai Berri, 18:15ean. Eta zapatuan, bazkaria izango da, 12:45ean, eta dantzaldia, Gauargirekin, 15:00etan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak