80 eta 71 irabazi zion zapatuan Smartlog Ointxek taldeak Barakaldori. Arrasatearren aurkari zuzena da Bizkaiko taldea eta hori garbi ikusi zen partida osoan zehar, norgehiagoka borrokatua izan baitzen. Bosna garaipenekin iritsi ziren partidura arrasatearrak zein barakaldoarrak, baina seigarrena Smartlog Ointxekoentzat izan zen. 

Buru-belarri dabiltza Eskoriatzan gazteen artean xakea sustatzen. Horretarako hileko bigarren zapatuetan egiten dute Xake goizak egitasmoa, aste honetakoa hirugarren saioa izan da eta datozen hilabeteetan ere jarraituko dute egitasmoarekin. Bi orduko saioak dira, eta partaideek bata bestearen kontra jokatzen dute Ander Oteroren gomendioak jasota.