Arrasate

Turismo txokoa ireki dute BAZen

Arrasateko, Debagoieneko eta Euskal Herriko informazio turistikoa eskaintzen duen txokoa ireki du Arrasateko Udalak Biztanleen Arreta Zerbitzuan, BAZ gunean. Victoriano Fuentes turismo zinegotziak azaldu duen moduan, orain arte ezer gutxi egin da Arrasaten turismoari begira, eta halako zerbaiten beharra zegoela aitortu du.

"Esperientzia aberasgarria izan da, asko ikasi eta disfrutatu dugu"

Euskarabentura espedizioaren parte izan dira Izar Han Xue Irazabal elgetarra eta Lorea Ibarra arrasatearra. Hilabete batean Mauletik Getxorainoko bidea egin dute, euskara ardatz hartuta, eta "errepikatzeko moduko esperientzia" izan dela aitortu dute.

Hil egin da istripuko motor gidaria

Hego lotuneko bidegurutzean izan zen istripua atzo, 17:30 inguruan. Lekukoek adierazi zutenez, Eskoriatzatik Aretxabaletara sartzera zihoan autoa, eta Arrasatetik zetorren motorrarekin talka egin zuen. Motor gidaria larri eraman zuten Donostiako ospitalera, helikopteroz, baina azkenean hil egin da. 58 urteko gizon bergararra da hildakoa – I.M.–.

Unitate berria zabaldu dute San Juan de Dios ospitalean

Alkoholak eragindako dementzia dutenentzako unitate berria jarri du martxan San Juan de Dios ospitaleak. Gaur gaurkoz, bederatzi gaixo daude, eta uda ostean kopuruak gora egitea espero dute ospitaleko kideek.

Aretxabaletako hego lotuneko bidegurutzean aldaketak egingo ditu Foru Aldundiak

GI-627 errepidean, Aretxabaletako hego lotuneko bidegurutzean, zenbait aldaketa egingo ditu Gipuzkoako Foru Aldundiak, bide segurtasuna hobetzeko helburuarekin. "Bidegurutzea sinplifikatu gura dugu", azaldu du Mikel Uribetxebarria Aldundiko Plangintza eta Kudeaketa zuzendariak. Bigarren fase batean, bidegurutzea argiztatu egingo dute.

Lau bekadun debagoiendar aritu dira GOIENAn praktikak egiten uztailean

Uda sasoiko oporrak praktikak egiteko baliatzen dituzte hainbat ikaslek, eta gurean izan diren lau ikaslerekin egon gara euren esperientziaren berri izateko. Maite Carriet, Mikel Zumalde, Maialen Santos eta Jone Olabarria dira lau ikasleak.

Etxebizitzetako lapurreten gorakada opor garaian

Ertzaintzatik eta udaltzaingoetatik azpimarratu dute prebentzioa dela era horretako delituak saihesteko bidea, eta segurtasun-aholku batzuk ekarri dituzte gogora.

43 liztor habi erretiratu dituzte, Arrasaten

Goizean kendu dute azkena, Monterron parke ondoko ortu batean. Ramon Ramilak eman zuen abisua joan zen astean. Bertan halakorik zegoela jakin barik, baratzean lanean zebilen batean, nahigabe jo eta erasoan atera zitzaizkion guztiak. Bost bat metroko distantzian atzetik segi eta dozenatik gora ziztada egin zizkioten.

Maialen Axpe ez da finalean egongo

Atzo, martitzena, jokatuko zuen Arrasatekoak Europako Atletismo Txapelketako finalera sailkatzeko lehiaketa, baina 4 metro eta 35 zentimetrotan geratu zen, eta ezin izan zen finalerako sailkatu. Edozein kasutan, egindako markarekin, goian utzi du muga eta denboraldian zehar erakutsitako erregulartasunari jarraipena ematea ere lortu du.

Indonesiako lurrikararekin bizi izandakoa

Maite Arantzabal: "Epizentro-tokian izan ginen mugimenduak hasi baino apur bat lehenago. Bueltan gentozela gertatu zen lurrikara; uste genuen autoko erruberak lehertu zitzaizkigula".

Jokin Uribetxeberria: "Aireportuan jendea ubelduraz beteta eta gurpildun aulkietan ari gara ikusten. Datozen lauzpabost egunetarako hegaldia lortu ezinik dabiltza asko".

Amaia Urkia: "Lombokeko tenplu baten aurrean geunden eta bi aldiz sentitu genuen lurrikara. Errepliken zain gau dena esna pasa eta gero, goizean goiz alde egin dugu Bali hegoaldera".

Sute txikia, Arrasateko Gipuzkoa etorbideko Legarre pabiloian

07:30 inguruan piztu da sua, Legarre pabiloiko palet batzuetan. Kalte pertsonalik ez du eragin, ezta materialik ere, baina suhiltzaileek haizagailu handi baten laguntzaz atera dute kea inguruko lokaletatik. Bien bitartean, itxita egon da ingurua. Argitzeke dago nahita eragindako sutea izan den edo ez.

Maialen Axpe, Europako Txapelketara

Datorren astean, astelehenetik domekara bitartean, egingo dute Europako Atletismo Txapelketa eta martitzenean, hilak 7, jokatuko du Arrasatekoak finalera sailkatzeko lehiaketa. Aurrera eginez gero, hilaren 9an, finala.