Datorren asteko eguenean, uztailaren 3an, hasiko da Arrasate Blues jaialdia. Uztailaren 24ra arte iraungo du eta askotariko ekintzak egongo dira ekimenak irauten duen bitartean. Herriko Plazan hasiko da jaialdia, 19:30ean; hain zuzen ere, BB Harper musikariaren emanaldiarekin. Bluesean eta harmonikan oinarritutako emanaldia da BB Harper artistarena, eta zuzeneko musika sortzen du harmonika, perkusioa eta soinu efektuak uztartuta. Antolatzaileek diotenez, "askotariko estiloetako kantuak berrinterpretatzen ditu; betiere, bluesaren funtsa lehenesten".
Emanaldiaren ostean, aurtengo edizioko kamiseta aurkeztuko dute. Ibai-arteren presidente Jon Apraizek herritarrei gonbidapena egin die "jaialdiaren bueltako ekintzetara" batu daitezen.
Egitarau osoa, hemen.