Beinke eta Loramendi elkarteen bateratzea irudikatzen duen dantza herrikoia plazaratu dute San Migel jaien asteburuan dantzari aretxabaletarrek beste urte batez, Troxka dantza taldeak eta Loramendi Elkarteak sustatuta. Herritar asko izan dira arratsaldeko hitzordura bertaratu direnak. 

Honezkero klasiko bat da Aretxabaletan sanmigeletako egubakoitzean afaltzeko plazan elkartu eta bertaratutako guztiek kantuan egitea, eta halaxe egin zuten atzo ere ia 700 herritarrek. Sei Pistols & Trabuko Bat taldeak musikatutako ekitaldian aski ezagunak diren kantuak izan ziren protagonista, eta hainbat herritar ere animatu ziren oholtza gainera igo eta abestera.