ELKARRIZKETTAP

Arkitektoa eta EHUko Arkitektura Fakultateko irakaslea da Unai Fernandez de Betoño (Gasteiz, 1977). Etxearen korapiloa nola askatu liburu argitaratu du gasteiztarrak; bertan, Etxebizitza-politika justurako gako batzuk ematen ditu, besteak beste. 

Arte garaikideko erakusketen eta zinema aretoetako pantaila handiaren artean mugitzen dira Marina Lameiroren pelikulak. Zinemagile iruindarrarentzat, izan ere, zinemagintza arte adierazpide bat da, istorioak modu narratiboan kontatzeko bide bat baino gehiago. 

Neguetxea ostatua eta ekitaldiak antolatzeko Növerek enpresa kudeatzen dute ahizpa gernikarrek. Negozio hori Bilbon irekitzea izango zen logikoena, baina euren herrian kokatzea erabaki zuten, baita asmatu ere. Ekitaldi gastronomikoak antolatzen trebatu dira, eta, batez ere, arazoei konponbideak aurkitzen.

Hainbat asteko egonaldia egin du artista taldeak, Loraldiaren enkarguari jarraituz, Urnietako Sarobe Arte Eszenikoen Gunean. Estreinaldia egin zuten, azaroan. Eta 2026an Euskal Herrian barrena ariko dira. 

Estreinatu berri den Nor naizen baneki antzezlanarekin buru-belarri dabil Oier Zuñiga (Iruñea, 1986) aktorea. Antzerkiaz eta kulturaz orokorrean mintzatu gara aktorearekin Iruñako Laba espazio berrituan. 

Xabier Alkiza San Marcelok urteak daramatza pertsonaia askori ahotsa jartzen. Harekin hitz egin dugu beraren ibilbideaz, bikoiztearen garrantziaz eta lanbidearen egoeraz, besteak beste.

Bere bidea bukatu du 111 Akademiak, irakurzaletasuna sustatzen zuen proiektuak. Jon Unanue Lopez akademia-buruarekin hitz egin dugu egitasmo horretaz, euskal literaturaren egoeraz eta etorkizunaz, besteak beste. 

Jon Arrizabalaga (Gernika, 1995), ezustean iritsi zen moda mundura. Bilboko taberna baten zegoela, agente bat hurbildu zitzaion, argazki batzuk atera zizkion eta ate bat ireki zitzaion. Argazki-saioak eta moda desfileak egiten ibiltzen da mundu osoan, eta lehen aldiz Latinoamerikan ibiliko da datozen hilabeteotan. Modeloa baino gehiago, "antimodeloa" dela dio hark, eta argi utzi digu luxuz, diruz eta distiraz beteriko mundu horrek ez duela itsutu. 

Aktorea eta sortzailea, Jaione Urtasun antzerkiari lotuta bizi izan da 9 urte zituenetik. Adin horrekin hasi zen Nafarroako Antzerki Eskolako arratsaldeko tailerretan, eta eskola hartan egin zituen, urte batzuk geroago, antzerkigintza ikasketa profesionalak ere. Haren ibilbidean ipuin-kontalaritza, umeentzako antzerkigintza eta umore ikuskizunak uztartu ditu, gehienbat. Xabier Flamarique bikotekidearekin La Piel taldea darama, eta, maiz, bestelako konpainientzat ere lan egiten du. Beti, hori bai, lagunez inguratuta. Arrakasta, izan ere, hori baita harentzat: antzerkiaz bizi ahal izatea, euskaraz eta lagunez inguratuta. 

20 urteko Sarako gaztea Euskal Herrian barrena ari da lanean: Pontx pailazoa da, eta, beste askotan Lore, Porrotx eta Marimototsen konpainian. Euskara, kultura, sorkuntza eta gure herria zaitzen duen muga hizpide izan dugu elkarrizketan.

Berba jarioa eta etorria duen elkarrizketatu horietako bat da Oier Plaza Gartzia dokumental-egilea. Istorioak irudietan kontatzen bezain ondo moldatzen da istorio horiek berbaz azaltzen. Azkenaldian, memoria historikoaren gaia lantzen ari da, eta haren ibilbidean marka utzi duen lana da Popel, zuzendu duen azken dokumentala. Bigarren Mundu Gerran desagertu ziren errepublikanoen errautsen istorioa kontatzen du. 

Itzalean eroso, berriki, hedabideen arreta piztu dute bi dokumentalgileek. Antzekotasun handia dute Lourdes Iriondo protagonistarekin. Hark fokuen azpian distira egiten zuen, baina haiek itzaltzean, euskararen transmisioan lanean tinko jarraitu zuen. 

Bere azken hiru liburuen poemarik esanguratsuenak Itzalen kartografia liburuan batu ditu Hasier Larretxeak (Arraioz, Nafarroa, 1982). Madrilen bizi arren, Iruñeko Karrikiri dendan elkarrizketatu du Baztango poeta TTAP aldizkariak. 

Tabakaleran elkartu da TTAP aldizkaria Begoña Del Teso (Donostia, 1955) zinema-kritikari donostiarrarekin. Ibilbide luzea egin du Del Tesok Euskal Herriko hainbat hedabidetan; betiere, zinemari loturiko kazetaritzan. 

Arritxu Iribar Egaña (Zumaia, 1963) kirol-kazetaria Euskadi Irratiko ahots ezagunenetakoa da. Harekin hitz egin dugu, hastapenez, kazetaritzaren bilakaeraz eta euskaraz, besteak beste.