Oier Santamaria: "Tradizioaren pisu izugarria daukagu gainean, baina tradizio hori, askotan, asmatutako gauza bat da"

Irulegiko Eskuaren aurrean eseri gara Oier Santamaria historialari iruindarrarekin, iraganaz kontatu digutena eta ez digutena edozein momentutan kolokan jarri daitekeela erakutsi duen aurkikuntzaren aurrean. Izan ere, historia ez da iraganeko kontu bat, begiradaren arabera aldatzen doan zerbait baizik. Are eta begirada gehiago, are eta osatuagoa gizakiaren iraganaren kontaketa. Santamariak LGTBI kolektiboaren errepresioaren zein borrokaren ikerketan jarri nahi izan du berea, besteak beste. Izan ere, jasotakoari zerbait itzultzeko tresna bezala ere ikusten du historia.