80ko hamarkadan hartu zuen indarra Me Cago en Dios talde bilbotarrak, euskal rock erradikala mugimenduaren barruan. Hainbat gorabehera, aldaketa eta banaketaren ondoren etapa berria hasiko du taldeak eta hor bi aramaioar egongo dira: Asier Robledo bateria-jotzailea eta Unai Etxenausia abeslaria. Biraren lehen kontzertua Tolosako Bonberenean dute, zapatuan.

Lezetxikiren Lagunak taldeak atzo zabaldutako irudiak eta informazioa aztertzeko bilera egin du gaur goizean Udal Gobernuak hainbat teknikarirekin, eragilerekin eta Alvaro Arrizabalaga arkeologoarekin. "Kezkatuta" dago gertatutakoarekin eta AHTren eraikuntzaren ardura duen Adif erakundeari hainbat eskaera egiteko asmoa agertu du. Gaur arratsaldean Gipuzkoako Foru Aldundiko arkeologo talde bat zela bertaratzekoa eremua aztertzera ere adierazi du.