Salmentari bultzada berezia emateko, gaur, otsailak 27, Arizmendi Ikastolak Tanta Eguna ospatu du. Arratsaldeko lauetatik aurrera, "Ikastolako komunitate osoa zein herritarrak" animatu dituzte nork "bere aletxoa" dezan. Basabeazpi, Jose Arana, Olarte, Umezaintza, Uribarri, Arimazubi, Santa Teresa eta Gazteluondo guneetan aritu dira txartelok saltzen.
Etekinak, ikastetxeen hobekuntzarako
Baina zergatik parte hartu ekimenean? Honako hau adierazi dute Arizmendi ikastolatik: "Ikastolak kooperatibak dira, eta Tanta kanpainari esker, ikastetxeen hobekuntzetarako –instalazioak, materiala, proiektu pedagogikoak...– behar den finantzaketa gehigarria lortzen da. Tanta bakoitza, elkartuz gero, ozeano bat bihurtzen da. Parte hartzea ez da soilik zozketa batean sartzea; Euskal Herriko zazpi probintzietan errotutako etorkizuneko hezkuntza proiektua elikatzea da.
Gainera, txartel bakoitzarekin 60.000 euroko sari bikaina irabazteko aukera egongo da". Zozketaren emaitza ekainean jakinaraziko dute.