Irteteko gogoak, aukerak, eta eguraldi onak bat egin duten momentuan, eta Gipuzkoatik ateratzeko debekua ere kontuan hartuta, jendez bete dira Debagoieneko bazterrak, jendez eta, adibidez, baita furgoneta eta autokarabanaz ere; Arantzazu, esaterako, eta Urkulu, ezohiko irudiak utziz. Urbia ere askoren helmuga izan da; eta Usako, Usakon goiz hartu du aurten batek baino gehiagok denboraldiko lehen bainua.

PCR bidezko 1.833 proba egin ziren atzo EAEn, eta horietatik bostek eman zuten positibo –bik Araban, Gasteizen, eta hiruk Bizkaian–. Test azkarrak, berriz, 312 izan ziren, eta positiboak, zortzi. Nafarroan zazpi positibo utzi dituzte PCR probek, hildakorik ez.