HARMAILATIK

Eztala berrituko lehen partidua jokatu du Antzuolak; Amarians errugbi torneoak bi irabazle izan ditu; Jesus Mujika Errastiren liburu aurkezpena Dorletan; Jare Urrutia omendu du Arrasateko Udalak; Mahai tenis torneoa Bergaran.

Antzuolak 2-1 irabazi dio Ilintxari Gorengo Mailako bigarren neurketan. Eztala eraberrituan izan da, hain zuzen, garaipen hori, eta zaleek harmaila berria estreinatu dute.

35 urtetik gorako amen errugbiaren topaleku izan zen Mojategi zapatuan. Sei talde aritu ziren lehian eta Lacartijas eta Blasfemmes taldeak izan ziren onenak. Antolatzaileak pozik geratu dira bigarren edizioak emandakoarekin. 

Egubakoitzean aurkeztu zuten Emilio Ortizek idatzi duen liburua, Jesus Mujika txirrindulariaren bizitza ardatz duena. Aurkezpenean izan zen, besteak beste, Alfredo Relaño, As egunkariko zuzendari ohia. 

Mondrateren eta Zierberaren arteko partiduko laburpena (5-5); Arrate Bergara eta Madalen etxegarai Sopaleko finalera sailkatu dira Oñatin; Kirola Herrira ekimena egin dute Arrasaten. 

Itxura ona emanda ekin dio Bigarren B Mailako abenturari Mondratek. Izan ere, Zierbenaren aurka bosna berdindu du Jokin Vazquezek zuzentzen duen taldeak, partidu ero batean. 

Kirola Herrira ekimenaren baitan, aikidoa, judoa, karatea, boleibola, saskibaloia, eskubaloia, txirrindularitza, futbola, atletismoa, xakea, pilota eta beste hainbat kirol diziplina probatzeko aukera izan zuten herritarrek. 

Emakume Master Cupeko Udako Txapelketako finalerako sailkatu dira Madalen Etxegarai oñatiarra eta Arrate Bergara bergararra, Zubikoan Sagardui-Zabala bikotea 22-15 gainditu ostean. Hala, irailaren 27an jokatuko dute final handia, Sopelan (Bizkaia).

Iñigo Alzola eta Garazi Abasolo izan ziren onenak lasterketa luzean; motzean, Aitor Ugarte eta Edurne Martinez nagusitu ziren. Goiena telebistako Harmailatik saioak jaso ditu probako xehetasun guztiak.

Bigarren B mailan hasiko du denboraldi berria Mondratek, eta platoan izan dira Kevin Barranca eta Xabi Gorroñogoitia.