Euskadiko bigarren mailako bosgarren jardunaldiaren bueltan, Goizper Bergara eta Biotz Aloña Mendi taldeen arteko derbia jokatu dute gaur arratsaldean Labegaraietan. Derbiak beti derbi badira ere, gaurkoak garrantzia handia zuen bi taldeentzat. Izan ere, aurretik jokatutako lau partiduetatik bakarra irabazi ostean, sailkapeneko beheko postuetatik ateratzeko erabakigarria izan da. Hori horrela, dena ematera atera dira bi taldeak kantxara, eta defentsa gogorra erakutsi dute bi taldeek.
Bergararrak ondo sartu dira partiduan, eta markagailuan aurretik jarri dira norgehiagokako lehen unean. Lehen laurdenak kolore bakarra izan badu ere, Oñatiko taldea ez da etsi, eta, atsedenaldira joan aurretik, markagailua irauli dute oñatiarrek jarraian sartutako lau hirukori esker. Hamar puntuko aldearekin kantxaratu dira Aitor Ugarteren mutilak bigarren zatian, eta etxekoek baloia eskuetan denbora gehiagoz izan badute ere, azken minutuetara arte partzialari eustea eskuratu du Biotz Aloña Mendik.