HEMEN DEBAGOIENA

EHE-ek Euskal Herriko egoera soziolinguistikoen inguruan jarduteko, eta euskararen errealitate anitzen inguruko bizipenak partekatzeko helburuarekin sortutakoTindeher ekimenak, Oñatiko Aixotu eta Tafallako Gazte Asanblada elkartu ditu gaur, Antixena gaztetxean. Beste herri batzuetan egin bezala, egun osoko ekintzak antolatu dituzte euskararen bueltan, eta, nola ez, elkar ezagutzeko ere baliatu dute eguna.

Urtarrilaren 26ko saioan honako hauek nabarmentzen dira: Euskal Herriko egoera soziolinguistikoen inguruan jarduteko, eta euskararen errealitatearen inguruko bizipenak partekatzeko elkartu dira asteburu honetan Oñatiko Aixotu elkarteko eta Tafallako Gazte Asanbladako kideak. Horrekin batera, saioan ikus daiteke zapatuan Bergarako Seminarixoa aretoan eskainitako Bizitzaren karnabala haur ikuskizunaren pasarte bat.

Urtarrilaren 23ko saioan honako hauek nabarmentzen dira: Huhezinemaren barruan Myriam Lizarralde adituak ikus-entzunezkoetako estilismoari buruzko egindako masterclassa, eta asteak utzitako albiste garrantzitsuen errepasoa. 

Urtarrilaren 22ko saioan honako hauek nabarmentzen dira: Asier del Campo pilotari aramaioarrari Luzapena tartean egindako elkarrizketa eta aste bukaera honetako agenda.

Urtarrilaren 21eko albisteen tartean honako hauek jaso dira: Osasun sailburu Alberto Martinezen eta diputatu nagusi Eider Mendozaren bisita Aretxabaletako zentro soziosanitario berrira, Elgetan eskolako danborradak eta San Sebastian kofradiako nobleek atzo egindako ospakizunak eta oñatiarren artean egindako kale-inkesta: hartzen ote dute elikadura-suplementorik hobeto egoteko?

Urtarrilaren 20ko saioan honako hauek jaso dira: Begoña Pedrosa Hezkuntza sailburuak Musakolako herri eskolako eraikin berrira egindako bisita, Oñatiko Elkar Hezi ikastetxearen 25. urteurrenaren irekiera ekitaldia eta Angiozarko eskola txikiaren pedagogiaren gaineko ikerketa. Horrekin batera, Irlandan bizi den Iñaki Irigoien bergararrari egindako elkarrizketa eta Bergarako Musika Bandak domekan emandako kontzertua daude ikusgai.

Urtarrilaren 19ko saioan honakoak jaso dira: Arrasateko zuhaitz egunak emandakoa zein Oztoporik ez! kolektiboak antolatuta barikuan Bergaran egindako kontzertua. Horrekin batera baita hainbat albiste ere: pentsiodunek zortzigarren urtez plazarik plaza egiten dituzten aldarrikapenak, Arrasateko Ereindajanen denda berriaren irekiera eta zazpi aramaioar izango direla hastear den Arabako bertsolari txapelketan, besteak beste.

Urtarrilaren 16ko saioan honakoak jaso dira: Peru Altube musikari arrasatearrak abian jarritako Neguko izarrak proiektuaren nondik norakoak. Horrekin batera baita hainbat albiste ere: Ongizatearen Plaza Debagoienean; txotx denboraldiaren hasiera Aramaioko Iturrieta sagardotegian; eta Artgazki elkartearen erakusketa Arrasaten, besteak beste.

Urtarrilaren 15eko saioan Aimar Larrea korrikalari antzuolarra kontu kontari. Eta horrekin batera hainbat albiste jaso dira: Bergarako Novedades-eko etxeetako garajeetarako sarbidea ez dute gura Ikerleku kaletik; Oñatiko Olakuako lehengo urmaela aisialdi-gune bihurtuta; eta Elgetan Goiena aldizkaria jasotzeko edo jasotzen jarraitzeko kanpaina berezia abiatu du Goienak, besteak beste.

Urtarrilaren 14ko saioan Bilbon egoitza duen eta telefonoetarako aplikazioak garatzen dituen Batura Mobile ezagutzeko erreportajea jaso da, baita Eskoriatzan bizi den Tomas Besaren Liquid erakusketa ere. Horiekin batera albisteei ere egin zaie lekua; honako hauei: Arrasate Herri Eskolaren Musakola gune berritua martxan; Txillarreko sukaldaria liburuaren aurkezpena Oñatin; eta Venezuelaren gaineko kale inkesta, besteak beste.

Urtarrilaren 13ko saioan honakoak jaso dira: Australian dagoen Nahia Irazola arrasatearraren berriak eta urteko lehenengo elurteak utzitako irudiak. Horiekin batera baita hainbat albiste ere: Gipuzkoako foru gobernuaren Kontseilu ibiltaria Oñatin; Sancti Spiritus unibertsitatearen birgaitze-proiektua; dermatosi nodular kutsakorraren aurkako txertaketa; eta Arrasateko Portaloiko arkua berritzeko lanak.

Urtarrilaren 12ko saioan honako hauek jaso dira: Juan Luis Zabalak Leintz Gatzagan egindako Oroitzapenen ibilaldia proiektua eta Akira Yoshida & Iali Ayguadé-ren Together to get there dantza ikuskizunaren pilula bat. Horiekin batera baita hainbat albiste ere: neguko merkealdi sasoiaren hasiera; V16 balizak derrigorrezkoak urte hasieratik; eta 2025eko eguraldiari gainbegiratua, besteak beste.

Gaurko saioan Andoni Calbano Realeko atleta bergarrarak erronka berrien gainean jardun du. Horrez gain, azken albisteak jaso dira: Venezuelako gertakarien gaineko iritziak; Arrasateko Makatzena auzoko haur parkearen erreketa; eta Antzuolako Udalaren aurrekontua 2026rako.

Maddi Barrocal pilotari bergararrak egindako ibilbidearen berri eman du, eta horrez gain, asteburuko agendari gainbegiratua egin diote. Albisteak ere jaso dituzte: 24. Korrikaren ibilbidearen gaineko nondik norako guztiak; Elgetako parroko Juan Cruz Juaristiren azken meza; eta Aramaioko udalbatzak 2026rako onartutako aurrekontua, besteak beste.

Gaurko saioan jaso dituzte Debagoieneko hainbat herritan elurrak eta izotzak eragindako ondorioak eta Erromintxelak taldeak urte hasieran Arrasaten emandako kontzertuko pilula bat. Baita egunotako albisteak ere: Bergarako Taila Eskolakoen erakusketa ikusgai; Txikilandia eta beste hainbat jolas parke Gabonak bukatzeko; eta arrasatearrek urte berrirako dituzten asmoak, besteak beste.

Auto gidari eskoriatzarrak hiru lasterketa irabazi ditu 2025ean, eta baita sailkapen orokorra ere. Intxortan, Eskoriatzan eta Sabandon onena izan da. 2009an hasi zen autoen munduan, eslalomak egiten. 2010ean erosi zuen lehen autoa. Eguna, Peugeot 208 batekin dihardu.

'Hemen Debagoiena' saioa osorik: 2025-12-23

Suediako Skövde udalerrian pasa ditu azken bost hilabeteak Eki Zuzaeta bergararrak eta Gabonak etxean pasako baditu ere, urtarrilean berriz joan beharko du hara, azken lan batzuk egitera. Han bizi izandakoa esperientzia "askea eta dibertigarria" izan dela aitortu du.

'Hemen Debagoiena' saioa osorik: 2025-12-22

Bete egin zen Seminarixoa, egubakoitzean Algaraka Bakarrizketa Gauaren bigarren aldia gertutik jarraitzeko. Oraingoan bost bakarrizketari izan ziren oholtzan eta askotariko estilo eta begiradak plazaratu dituzte, beti umorea ardatz.

Maitane Gartziandia ilustratzaileak egindako sendabelarren marrazkiak daude ikusgai Arkupen. Garbiñe Larrea naturopatak idatzitako liburuetan oinarritutako ilustrazioak dira eta apo-belarra, asuna, intsusa, malba eta beste hainbat jaso ditu.

Zazpi lagunek osatutako Arrasateko taldeak 97 itzuli eman dizkio 10 kilometroko lurrezko pistari, 24 orduz jarraian, 37 urteko Opel Corsa batekin. Horixe da Arrasateko taldeak abenduaren 6 eta 7an Teruelen jokatutako Interclassic Off Road 24 orduko erresistentzia proban utzitako datu nagusien laburpena. Zenbaki horien atzean antolaketa, talde-lana eta erresistentzia handia ezkutatzen dira.

'Hemen Debagoiena' saioa osorik: 2025-12-19

'Hemen Debagoiena' saioa osorik: 2025-12-18

'Hemen Debagoiena' saioa osorik: 2025-12-17

Abenduaren 21ean itxiko dute, 127 urtez zerbitzua ematen ibili ostean, erreleborik ez dutelako. 1898an zabaldu zuten Simon Elorzak eta Maria Telleriak, egungo jabeen aitaita-amamek eta familiako hiru belaunaldi izan dira bertan lanean.

Aramaioko auzoa da Arexola eta bertan 36 lagun daude erroldatuta gaur-gaurkoz. 14 etxebizitza daude, guztira, abadetxea eta bi etxebizitza berri. 

Lau hilabete egin ditu Anje Arlanzon oñatiarrak Uruguaiko hiriburuan, Montevideon, bizi izaten. Zinema arloko ikasketak egiteaz gain, askotariko bidaiak ere egin ditu eta horiek guztiak izan ditu berbagai elkarrizketan. Azken egunak ditu han.

'Hemen Debagoiena' saioa osorik: 2025-12-16

Bixen Uli zumarragarrak egindako lanak dira, Puja… hutsetik bizira! bilduman jasotakoak. Hondakinak konbinatuz sortutako eskulturak ipini ditu ikusgai, urtea bukatu arte. Artelan bakoitzak Andoni Salamerok idatzitako poesia bat dauka.

Gabonak ate joka dauden honetan, urte sasoi honetan protagonistak izaten diren azokek hartu dituzte bailarako herrietako plazak.

'Hemen Debagoiena' saioa osorik: 2025-12-15

'Hemen Debagoiena' saioa osorik: 2025-12-12

Bigarren Mailan jokatzen duen Ointxe!-k aurpegi berri asko ditu aurten. Horietako bat da Beñat Barberena. Azken hamarkada Txinan egon ostean, etxera itzuli da. EBAn jokatzeko eskaintza batzuk izan dituen arren, Arrasateko taldera batzea erabaki zuen, Ointxe nortasunari jarraiki.

'Hemen Debagoiena' saioa osorik: 2025-12-11

Arrasateko Bedoñako auzotarrak jaietan murgilduta izan dira asteburuan. Santa Eulalia zaindariaren omenez askotariko ekintzak antolatu zituzten eta jende pilatxoa batu zen horietan. Thierry Biscary musikariaren eta Oreka TX taldearen emanaldiak, esaterako, lepo bete zuen eliza.

Bergarako toki askotatik ikus daitekeen auzoa da Goiauzoa. Bertan, Surraga gurutzea, Lamariano Etxeberri baserria nekazaritza-turismo etxea edo XVI. mendeko San Martzial ermita daude.

'Hemen Debagoiena' saioa osorik: 2025-12-10

Jonas Vozbutas lituaniarra eta Zimu Wang txinatarra, puntuazio berdina lortuta, bilakatu dira lehiaketa nagusiko irabazleak. Akordeoia maite duten musikazaleendako aste bukaera ederra izan da, Arrasate doinuez bete baitute Euskal Herriko txoko ezberdinetatik zein nazioartetik etorritako artistek.

'Hemen Debagoiena' saioa osorik: 2025-12-09

Duela ia lau urte egin zuen lehen hitzordua GOIENAk Belgikan 25 urte daramatzan Amaia Egoskozabal oñatiarrarekin eta oraingoan beste hainbat gai izan ditu hizpide, besteak beste, Bruselako Euskal Etxea, Belgikako hiriak eta hango garagardoa zein txokolatea. 

Gureak enpesa 1975ean sortu zen Atzegiren eskutik, behar sozial bati erantzuteko eta desgaitasun intelektuala duten pertsonen lanerako eskubidea errazteko. Egun, 6.100 langile eta hamaika planta ditu Gipuzkoan; horietatik, 531 langile eta lau industria-planta daude Debagoienean.

'Hemen Debagoiena' saioa osorik: 2025-12-05

Aloñaren senior mailako nesken atezaina da Arenaza, eta taldeko jokalari beteranoena. Euskal Ligara igo berritan, denboraldi ederra egiten dihardute. Jokalari gazteen "freskotasuna" oso nabaria dela dio.

'Hemen Debagoiena' saioa osorik: 2025-12-04

Zapatuan ospatu zuten Oñatin Ez gero, orain baizik lelopean, Korrikaren 45. urteurrena. Ekitaldiaren harira, Ainhoa Galdosek, –1980an lehen kilometroa egin zuen Eli Galdos alkatearen alabak–, Xabier Zubizarretak, –AEK-ko irakasle ohiak–, Xabier Amurizak, –Korrikako lehen abestiko letren egileak–, eta Ane Elordik –Korrikako zuzendariak–, ekitaldi hartako bizipenak eta euskararen egoeraren inguruko hausnarketak partekatu dituzte.

Abenduaren 3a Euskararen Nazioarteko Eguna dela aintzat hartuta, kanpotik etorritako hainbat debagoiendarrekin egin du hitzordua Goienak euskararekin duten harremanaz jarduteko.

'Hemen Debagoiena' saioa osorik: 2025-12-03

'Hemen Debagoiena' saioa osorik: 2025-12-02

Erakundeetako ordezkariak, euskalgintzako jendea, kultura zein kirol arloko eragileetako kideak, Goienako kolaboratzaileak zein langile ohiak, Goienakideak... Ehunka lagun batu zituen atzo Seminarixoan Kepa Errastik gidatu zuen Goienaren 25. urteurreneko ospakizun ekitaldiak. 

Aurtengo zarzuela berezian, Izaskun Murgia Elkarte Lirikoaren 25. urteurrena izanik, emanaldia iraganera egindako bidaia gisa planteatu zuten. Ikusle ugari hunkituta atera ziren eta txalo zaparradaz bete zuten Amaia Antzokia. Etorkizunera begira, antzokiko konponketa lanak medio, oraindik ez dakite zer gertatuko den zarzuelarekin datorren urteetan. 

'Hemen Debagoiena' saioa osorik: 2025-12-01

23 urtez azpikoen mailan bigarren denboraldia beteko du Aramaioko ziklistak, eta aldaketekin dator: Caja Rural Aleak fitxatu du. Pandemian txirrindularitza uzteko puntuan egon arren, egun, koxka batera dauka profesional maila.

'Hemen Debagoiena' saioa osorik: 2025-11-28

'Hemen Debagoiena' saioa osorik: 2025-11-27

Pinturan, marrazkigintzan eta argazkigintzan diharduen Jose Mari Perea Barro artistak margolanak jarri ditu ikusgai Bergarako Aroztegi aretoan. Pasarteak izeneko bildumaren baitan neurri handiko lanak batu ditu mihiseetan zein paper gainean. Abenduaren 8a arte egongo dira ikusgai.

'Hemen Debagoiena' saioa osorik: 2025-11-26

Bergarako Monzon-Olaso Museo Etxeko bilduma historikoa handitzeko nahiarekin, euskal historiaren azken 125 urteotako elementu esanguratsuak batzeko ahaleginetan dabil Olaso Dorre Fundazioa. Asmoa da epe ertainera erakusketa areto bat zabaltzea. 

'Hemen Debagoiena' saioa osorik: 2025-11-25

Aozaratza auzoa Aretxabaletan dago, Urkulu urtegiaren ondoan. 24 baserri eta 44 biztanle ditu, eta, bertan nabarmentzen dira San Juan Bataiatzailearen eliza, Otalora dorretxea edo Otala Zelai.

Debagoienetik, eta inguruetatik, lagun asko etorri dira asteburuan Arantzazu aldera elurraz gozatzera. Urbiara bidean elorrioarrak, mutrikuarrak, donostiarrak eta azpeitiarrak animatu ziren kamera aurrean azaltzera, eta noski, tartean baita debagoiendarrak ere. Denek zuten helburu berbera, neguko lehen elurteaz gozatzea. 

'Hemen Debagoiena' saioa osorik: 2025-11-24

30 urterekin utzi zion eskubaloi jokalari izateari, Bera Berarekin, Usurbilekin eta Errota Berrirekin elite mailan jokatu ostean. Ordutik, entrenatzaile lanetan dihardu; azken denboraldietan senior mailako mutilak zuzentzen. Jokalari "zorrotza" izan zela dio eta "zorrotza izaten jarraitzen" duela, entrenatzaile moduan.

'Hemen Debagoiena' saioa osorik: 2025-11-21

Sukaldaritza eta modu orokor batean ostalaritza tresna eraldatzaile moduan planteatzen ditu Ausolan Fundazioak, Bastida Akademiak eta Sarea Fundazioak martxan jarritako proiektu batek.Planteatu bakarrik ez, hori horrela izan dadin  lanean ere ari dira dagoeneko sustatzaileak eta parte-hartzaileak.

'Hemen Debagoiena' saioa osorik: 2025-11-20

'Hemen Debagoiena' saioa osorik: 2025-11-19

25 urte bete ditu aurten Goiena Komunikazio Taldeak, eta urteurren berezia egoitzako ateak ireki eta barruan egiten den lana hobeto erakusteko aprobetxatu du hedabideak.

Debagoiendarrak mundutik saioko lehen protagonista izan zen Ainara Bordes arrasatearra, 2019ko urrian. Sei urte beranduago, Maltan bizi izaten jarraitzen du, Msida herrian. Egunerokoa nola aldatu zaion azaldu du bigarren elkarrizketan, eta Maltak jasaten duen "turismo masifikatuari" buruz ere aritu da. 

Hamar baserrik osatzen dute Aramaioko Arriola auzoa, eta, gaur-gaurkoz hamazazpi pertsona daude bertan erroldatuta.

'Hemen Debagoiena' saioa osorik: 2025-11-18

Aretxarte merkatarien elkartea Gabonetako iragarkia grabatzen aritu da asteburuan. Kepa Errasti izango dute bidelagun, beste behin, eta, AZ Visual mediako lagunak aritu dira grabaketa lanetan. Domekarako grabaketarako herritarrei eskaera egin zieten, Mitarten batzeko, eta, bertan iragarkiko grabaketa zati bat egin zuten, korrikaldi bat irudikatuz.

'Hemen Debagoiena' saioa osorik: 2025-11-17

Aloña Mendi xake sailean dihardu irakasle lanetan. Baina, xakearekin harago gozatzen du: 2024an Euskadiko txapeldun izan zen, partida azkarretan. Punta-puntako jokalaria da, baina, garbi dauka xakea zaletasuna besterik ez dela.

Aloña Mendik antolatutako Mendi Astearen baitan Aritz Gordoren argazki erakusketa dago kultura etxean; kirola eta paisaia batzen dituen argazkiekin osatutako bilduma hain zuzen ere. Argazkilari arrasatearrak berak lanaren nondik norakoen berri eman du.

'Hemen Debagoiena' saioa osorik: 2025-11-14

'Hemen Debagoiena' saioa osorik: 2025-11-13

'Hemen Debagoiena' saioa osorik: 2025-11-12

EHUko Mikologia aditu Esti Sarrionandiak hitzaldia emango du, Mikologiaren sustraietara: Mikopoteoa argitzen Mikorrizen itzaletik izenburupean; 17:30ean izango da, Gandiaga Topagunean. Gastronomia-zirkuituan barrena ibilbidea hasiko da ondoren: Goiko Benta Ostatuan, Arantzazuko Santutegia Hotelean, Zelai Zabalen eta Sindikan prestatutako pintxoak dastatzeko aukera egongo da. 

Bergarako auzo bat da Buruñao; Osintxu aldera hartuta, eskuinaldera joanda iristen da bertara. Muriondo izenez ere ezaguna da, eta, bertan dago San Blas ermita, auzoaren ikur dena.

'Hemen Debagoiena' saioa osorik: 2025-11-11

Ander Bengoa arrasatearra Leonen (Espainia) ari da ikasketak egiten, baina Mexikoko Puebla hiria aukeratu du azken ikasturteko lehen lauhilekoa gauzatzeko. "Bikotekidearen eta lagun batzuen gomendioari kasu eginda etorri naiz hona", azaldu du. "Esperientzia aberasgarria izaten ari da; mundua ezagutzen jarraitzeko gogoa dut", gaineratu du.

Egun goibelari aurpegi alaia jartzeko aitzakiarik ez zuten falta izan Euskuirt eguneko parte-hartzaileek zapatuan. Komunitate transfeministak euskarari egiten dion ekarpenean jarri zuten azpimarra goizeko mahai inguruan. Hortik aurrera, festan eta alaitasunean murgildu ziren. 

'Hemen Debagoiena' saioa osorik: 2025-11-10

Aurrelari bergararrak maila guztiak pasa ditu mahoneroz jantzita. Euskal Ligan jokatu zuen Elorriorekin urtebetez, eta etxerako buelta hartu zuen. 2020an lotailu gurutzatua apurtu zuen, baina, ahaztuta dauka lesio hura.

'Hemen Debagoiena' saioa osorik: 2025-11-07

Julen Etxabarrirendako eta Oier Muñozendako debut eguna izango da biharkoa (18:00, Bergarako Udal pilotalekua). Andoni Kortabarriak dagoeneko esperientzia handia du ring barruan, baina azken borrokaldiko arantza atera nahi du.

Aloña Mendiko mendi sailak antolatutako Mendi Astearen baitan Aritz Gordo argazkilari arrasatearraren argazkiak daude ikusgai, Oñatiko kultur etxeko sotoan. Paisaiak dira protagonista argazki horietan, eta hainbatetan kirolariak ere jaso ditu. Azaroaren 23a arte izango dira ikusgai, astelehenetik egubakoitzera bitartean, 18:00etatik 20:00etara.

'Hemen Debagoiena' saioa osorik: 2025-11-06

1985ean sortu zen Aloña Mendiko igeriketa saila. Lau hamarkada hauetan sailak izan duen bilakaeraz hitz egin du GOIENAk sorreran egon ziren kideekin eta gaur egungo igerilariekin.

'Hemen Debagoiena' saioa osorik: 2025-11-05

'Hemen Debagoiena' saioa osorik: 2025-11-04

'Hemen Debagoiena' saioa osorik: 2025-11-03

Oñatiko hamasei auzoetako bat da Olabarrieta. Gaur-gaurkoz, 284 lagun bizi dira bertan, eta hiru eremutan banatzen da auzoa; guztira, 83 baserri daude.

Askotariko izenez da ezaguna urriaren 31tik azaroaren 1erako gaua: Arimen Gaua, Gau Beltza, Gaba Baltza... Baina oinarrian misterioa eta beldurra dituzte guztiek. Tokian tokiko jardueren bidez, euskal ohitura zaharra berreskuratu, eta herritarren artean giro ederra eta parte-hartzailea sortu zuten egubakoitz iluntzean, Debagoieneko ia herri guztietan.

Peru iparraldean dagoen Cocachimba herrixkan bizi da Kepa Igarza antzuolarra. "Konturatu orduko eta hasierako plana hori ez izan arren", hamar urte daramatza dagoeneko han eta Casa Ura izeneko hotelaren jabe da, Gocta ur-jauzi ikusgarria parez pare duela. Etorkizunera begira, "aukera posible asko" ikusten ditu. "Bizitzak esango du non egongo naizen", nabarmendu du.

Egitasmoaren koordinatzailearekin, ekoizle batekin, Bergarako alkateordearekin eta Deba Garaia Landa Garapen Elkarteko teknikari-kudeatzailearekin egin dugu hitzordua, lehen urteak emandakoaren gaineko iritziak jasotzeko.

'Hemen Debagoiena' saioa osorik: 2025-10-31

Hilabete gutxi zituela sartu zen Josune Odriozola (Oñati, 1996) uretara lehen aldiz. Geroztik, ura izan da haren habitata, eta, urte askoan zehar Espainiako txapelketetan maila handian lehiatzen aritu ondoren, gaur egun triatloiak jokatzen ditu Oñatiko Bizi Hadi triatloi talde inklusiboan.

'Hemen Debagoiena' saioa osorik: 2025-10-30

Matilde Sainz artista arrasatearrak Glaziarrak urtzen izeneko margolanen bilduma du ikusgai Mondragon Unibertsitateko Eskoriatzako fakultateko liburutegian. Joxpi Irastorzak, MUko irakasle ohiak, ostera, egurrezko lanak. Humanitate eta Hezkuntza Zientzien Fakultatearen 50. urteurrenaren baitan antolatu dute eta liburutegiko ateak irekita dituzte edonorentzat, 08:00etatik 19:00etara bitartean. Erakusketa zabalik izango da urriaren 31 arte.

19 ordu eta 28 minutuan zeharkatu zuen Iñaki Bengoak Hiru Haundiak mendi lasterketako helmuga. Ofizialki, bosgarrenez egin zuen gatzagarrak lasterketa urriaren 11n, eta 101 kilometroak bukatzearen esperientziaz jardun du GOIENArekin.

'Hemen Debagoiena' saioa osorik: 2025-10-29

Lander Briones zuzendariak sortutako Donostiako ZirKuSS konpainiak taularatu zuen Sustrai ikuskizuna joan den domekan, Amaia antzokian. Akrobaziak, dantza eta arte plastikoak uztartu zituzten ikusleen gozamenerako.

Luxenburgon bost hilabete daramatza Julen Urresti bergararrak. Izan ere, Bilboko Idom enpresan egiten du lan eta herrialde hartan eraikitzen ari diren Europako Inbertsio Bankuko lanen ikuskatzaile dihardu. "Obrak amaiera fasean daude; horrek baldintzatuko du nire etorkizuna hemen", nabarmendu du. 

'Hemen Debagoiena' saioa osorik: 2025-10-28

Martzillako dantzariekin aritu ziren Biteri plazan. Errepertorio bateratuan bertako arku dantza, zinta dantza, jota eta makil dantza sartu zituzten. Lore Gazteak-eko nagusiek, duela gutxi estreinatutako Arkupeien dantza sorta ere eskaini zuten, ekitaldia osotzeko. 

'Hemen Debagoiena' saioa osorik: 2025-10-27

Mikel Arregi antzuolarrak, Jokin Narbaiza bergararrak eta Xabi Zubizarreta aretxabaletarrak osatzen duten Berandu Baino Lehen taldeak bere bigarren diskoa kaleratu du, Musikaren doinua baino dirua nahiago izeneko lana. Horren aitzakian, Aretxabaletako kuartelean duten lokalean hartu dute GOIENA.

'Hemen Debagoiena' saioa osorik: 2025-10-24

'Hemen Debagoiena' saioa osorik: 2025-10-23

Urriaren 26a arte izango dira ikusgai Aroztegin, Miguel Okinaren 50 bat olio-pintura: erretratuak, natura hilak eta paisaiak. 40ko hamarkadatik XXI. mende hasierara bitartean hainbat etapatan egindako lanak dira. Eta asko eta asko herritarrek etxean zituztenak. Bergarako artistaren jaiotzaren urteurreneko ekitaldiei bukaera emango die erakusketak.

Bergarako Sakura jantzi-dendan izan da Goiena, erantzun bila; eta herritarrei galdezka ere ibili da, ea armairu-aldaketa egin duten, denboraldi berriko jantziren bat erosi duten edo modak eurengan zenbaterainoko eragina duen jakin guran, besteak beste.

'Hemen Debagoiena' saioa osorik: 2025-10-22

'Hemen Debagoiena' saioa osorik: 2025-10-21

Hego Korean bizi ez den arren, herrialde harekiko lotura estua du Ander Garcia arrasatearrak, 2012az geroztik. Izan ere, lagunak ditu han eta bi urtean behin joaten da. Gainera, koreera ere badaki eta hizkuntza ikasteko webgune bat dauka: aprendecoreano.com. 

Aretxabaletako herrigunetik hego-ekialdera dagoen auzoa da, Goroeta edo Korueta, Urkulu urtegiaren alboan. Kurtzebarri mendiaren azpian kokatuta, hemeretzi baserrik osatzen dute auzunea.

Debagoienean Errekak Bizi Auzolanean taldeak antolatuta egin zuten zapatu goizean bailara mailako erreka garbiketa bateratua laugarrengo aldiz. Bailarako herri guztietan elkartu ziren herritarrak, Antzuolan izan ezik, herriko jaien ostean egiten baitute. Era guztietako hondakinak atera zituzten erreka bertatik nahiz bazterretatik; hala nola, robot xurgagailuak, supermerkatuko orgak, telebista, patineteak edota alfonbraren bat edo beste.

'Hemen Debagoiena' saioa osorik: 2025-10-20

Joan den urriaren 8a egun esanguratsua izan zen Angiozar bailararentzako: tokiko entitate txiki izateko atea ireki zitzaion, Gipuzkoako Batzar Nagusietan EH Bilduk eta EAJk aurkeztutako proposamen batek aurrera egin ondoren; talde politiko guztiek eman zuten, gainera, aldeko botoa. Bada, Angiozarrera joan gara urrats horrek suposatzen duenari buruz gehiago jakin nahian.

'Hemen Debagoiena' saioa osorik: 2025-10-17

Txirrindulari arrasatearrak hirugarren denboraldia bete du Caja Rural taldean. Itzulian eta Donostiako Klasikan lehiatu da, besteak beste, eta onenen alboan korritzeko aukera izan du. Profesional izateko "ametsa beteta", gogor dihardu lanean.

'Hemen Debagoiena' saioa osorik: 2025-10-16

'Hemen Debagoiena' saioa osorik: 2025-10-15

'Hemen Debagoiena' saioa osorik: 2025-10-14

Bolibarko nukleo nagusira bidean ezkerraldean geratzen den auzoetako bat da Eraña. Bertan dauden baserrien artean  San Andres ermita dago; Erdi Aroko sarkofagoak topatu zituzten inguru horietan. Horrekin batera, Axtroki harkaitzean urrezko ontziak aurkitu zituzten.

Portugalgo Azore uharteetan bizi da Nerea Elorza oñatiarra, Sao Miguel uharteko Ponta Delgada hiriburuan, hain zuzen. Biologoa da eta Picos de Aventura enpresan dihardu lanean, bezeroei animaliei buruzko azalpenak emateaz gain, aurkitzen dituzten animalien gaineko informazioa jasotzen. Izurdeak eta baleak dira, gehienbat, aztertzen dituztenak.

'Hemen Debagoiena' saioa osorik: 2025-10-13

Zabalik da Ekin Emakumeak Elkartearen hiru hamarkadako ibilbidea jasotzen duen erakusketa, Kulturaten. Belaunaldi desberdinetako emakumeak elkartu dira inauguraziorako. Urteotan guztietan Ekinetik egindako lana azpimarratu dute eta balioan jarri dute premia berrietara egokitzeko elkarteak izandako gaitasuna.

'Hemen Debagoiena' saioa osorik: 2025-10-10

Urriko bigarren ostegunean izan ohi da Ikusmenaren Mundu Eguna eta Retina Gipuzkoa Begisare elkarteko Arrasateko kideek agerraldia egin dute haien errealitatearen berri eman eta gizartearen ulermena eskatzeko.

Azken lau denboraldiak Bigarren Mailako areto futbol taldean jokatu ostean, etxera itzuli da Oier Azkunaga Txiki (Aretxabaleta, 2001). Areto futbolarekin beste "modu batera" disfrutatzeko helburuarekin itzuli da. Hori bai, begiz jota dauka igoera.

Kalistenia entrenamendu fisikorako metodo bat da, gorputzaren pisuarekin ariketak egitean oinarritzen dena. Antzinako Grezian du jatorria. Herri batzuetan kalistenia parkeak daude, askotariko ariketak egiteko aukera ematen dutenak.

'Hemen Debagoiena' saioa osorik: 2025-10-09

Errealismoan oinarrituta eta Gazako egoera gogoan duen erakusketa jarri du Ion Pousa arrasatearrak Kulturaten. 60 bat koadro ditu ikusgai eta pertsonaia ezagunak eta gertukoak margotu ditu horietan. Palestinako herriari ekarpen ekonomikoa egiteko aukera dago urriaren 3a bitartean zabalik egongo den erakusketan.

Aire Libreko 50. Pintura Lehiaketara aurkeztutako 23 margolariren lanak daude ikusgai Bergarako Aroztegi aretoan. Horien artean lau dira bergararrenak eta gainerakoak kanpokoenak. Bergarako txokoak jaso dituzte guztiek eta teknika ezberdinak erabilita margotu. Irailaren 28a arte bisitatu ahal izango da erakusketa. 

San Migel jaien bueltan antolatutako Aire libreko pintura lehiaketara aurkeztutako lanak daude ikusgai kultur etxean; baita Oñatiko Margolariak taldeko kideen beste hainbat ere. Urriaren 10a arte egongo da zabalik erakusketa, 18:00etatik 20:00etara.

Gizartearen ertzetan dauden gaiak hezkuntza formalean eta ez formalean lantzeko aukera eta baliabideak ematea da Bizipoza Eskolaren helburua. Azken asteotan Debagoieneko ia herri guztietan egin dituzte aurkezpenak Pontx eta Zapotxin pailazoen laguntzarekin; azkena, Elgetan.

'Hemen Debagoiena' saioa osorik: 2025-10-08

Eskoriatzako zazpi elizateetako bat da Bolibar, eta hirigunetik hiru kilometrora dago, Atxorrotx mendiaren magalean. Bi eremu nagusi ditu Bolibar bera eta Eraña auzoa, eta bertan dagoen natura espazio ederra da. Irudi hauetan elizatearen parte bat ageri da.

'Hemen Debagoiena' saioa osorik: 2025-10-07

Egun handia izan ohi da oñatiarrendako Herri Eguna, eta hala izan da aurtengoan ere. Fruta eta barazkien erakusketa, gazta lehiaketa, artisauen azoka, animaliak, trikitilariak... ohiko osagaiek ez dute hutsik egin, eta ezta herri bazkariak eta herri kirolek ere. Hemen duzue egunak emandakoa.

'Hemen Debagoiena' saioa osorik: 2025-10-06

Formatu txikiko performancea da. Kulturaz kooperatibak eskaintzen dituen sormen egonaldietan sortu dute, Azpeitiko Dinamoan, eta bertan aurkeztu. Aranak eta Alonsok Gizarte Antropologia masterrean ezagutu zuten elkar, eta erritualak, mitologia, eta etnografia metodo gisa erabiltzearen interesak elkartu ditu.

'Hemen Debagoiena' saioa osorik: 2025-10-03

'Hemen Debagoiena' saioa osorik: 2025-10-02

Elgetarako bidean dago Basalgo auzoa, gaintxo batean, Bergarako herrigunetik pare bat kilometrora. Santiago apostoluaren omenez jasotako eliza dago han, eta alboan du abade-etxea; egun, zurituta dago, eta baserri zaindu baten antza du. Pilotaleku estalia du alboan.

'Hemen Debagoiena' saioa osorik: 2025-10-01

Aloña Mendiko saskibaloi sailak emakumezkoen senior mailako taldea sortu du 20 urteren ostean. Gaiaz berba egiteko, Jon Ander Ugarte taldeko entrenatzailearekin eta Irati Blazquez zein Karmele Egaña jokalariekin elkartu da GOIENA, baita 2005-2006 denboraldian jokalari aritu ziren Nerea Urmeneta eta Ainhoa Judezekin ere. 

Boluntario lanetan egon dira Hawaii artxipelagoan Amets Gonzalez gatzagarra, Iker Urtaza aretxabaletarra eta Aitor Mena eskoriatzarra. Oahu uhartean egon dira, eta han bizi izan duten esperientzia partekatu dute GOIENArekin. 

'Hemen Debagoiena' saioa osorik: 2025-09-30

Txantxikuaren jaitsierarekin eman diote hasiera Oñatiko San Migel jaiei, eta ordutik hona ekintza ugari izan dira egunotan. Esaterako, Auzolinpiadak izan dituzte eta Kasablanka taldea izan da aurtengo irabazlea; Nagusien danborradak ere ez du hutsik egin, eta bertan sei konpainia eta 108 dantzari izan dira.

'Hemen Debagoiena' saioa osorik: 2005-09-29

2010-2011 denboraldian hasi zen Mondrako entrenatzaile lanetan eta sekulako denboraldia egin zuen, gainera. Izan ere, txapeldun izan ziren arrasatearrak eta, horri esker, mailaz igo ziren, Bigarren Mailara. Beti entrenatu ditu emakumezkoak. Aurrerantzean zale bat gehiago izango da Mojategin.

Lehen lan luzea kaleratu du Arrasateko Erromintxelak musika taldeak, eta hortaz jardun dute Aitor Morenok eta Iban Galanek, Erromintxelak taldeko kideak eta lehen lan luzea diseinatzearen arduradunak.

'Hemen Debagoiena' saioa osorik: 2025-09-26

Menopausian oso gomendagarria den ariketa-multzo bat dago, baina emakume bakoitzaren ezaugarriak ere kontuan hartu behar dira: menopausiaren aurretik kirola egiten zuen edo sedentarioa zen; beste osasun-arazoren bat duen; beste kirol-diziplinaren bat egiten duen. Hori guztia kontuan hartu behar da norberarendako ariketen errutina planifikatzerakoan.

'Hemen Debagoiena' saioa osorik: 2025-09-25

Victoria Eugenia antzokiak hartu du, beste urte batez, Donostia Zinemaldiaren barruan egiten duten Euskal Zinemaren Gala. Hainbat sari banatu dituzte bertan; besteak beste, Zinemira saria, oraingoan Asier Altuna eta Telmo Esnalentzat izan dena.

'Hemen Debagoiena' saioa osorik: 2025-09-24

Victoria Eugenia antzokian aurkeztu zuten atzo, martitzena, Asier Altuna Kixi Bergarako zuzendariak eta lantaldeak Karmele filma. Karmele Urrestiren eta Txomin Letamendiren bizipenak kontatzen dituen egiazko istorioa jasotzen du eta aretoa bete zuen ikusle askoren bihotzetan sartu zen.

'Hemen Debagoiena' saioa osorik: 2025-09-23

Prentsaren aurreko aurkezpenak, elkarrizketak, argazki-sesioak, gaueko alfonbra gorria... Maspalomas-en zuzendari Aitor Arregi eta Jose Mari Goenagak eta lantaldeko gainerako kideek egun betea izan zuten atzokoa. Arregirekin elkarrizketa, aktoreen hitzak eta publikoaren iritzia jasotzen ditu Goienak Zinemaldian bertan egindako erreportajeak. 

'Hemen Debagoiena' saioa osorik: 2025-09-22

'Hemen Debagoiena' saioa osorik: 2025-09-19

Emaus Gizarte Fundazioak egun hori ingurumen-kontzientziarekin bizi izatera animatu nahi ditu herritarrak, eta bigarren eskuko jantzien eskaintza zabala ipini du Emausen Bidekurutzeta kaleko dendan. Gainera, bihar, zapatua –joan zen egubakoitzean moduan–, estilismo-tailer pertsonalizaturako aukera egongo da, 10:30etik 13:30era.

'Hemen Debagoiena' saioa osorik: 2025-09-18

'Hemen Debagoiena' saioa osorik: 2025-09-17

Arrasateko hegoaldean dago Bedoña auzoa; 1966ra arte, Aretxabaletako udalerriko parte zen. Santa Eulalia eliza dago bertan, estilo errenazentistakoa. Juan Arana Loramendi (1907-1933) fraide eta olerkaria Bedoñako Mendibitzu baserrian jaio zen. Errastikoan, Urkamendin… auzoko hainbat baserritan ogia egiten dute.

'Hemen Debagoiena' saioa osorik: 2025-09-16

Antolatutako talde batekin bidaiatu du Kirgizistanera Ander Iturbe antzuolarrak, eta herrialdeari buruzko hainbat bitxikeria kontatu dizkio GOIENAri. "Bixkek hiriburuan izan ezik, gainontzeko gau guztiak yurtetan pasa ditugu. Yurtak hango eraikin tipikoak dira, kanpin-denda handi moduko batzuk".

Kulturista da Unai Garcia aretxabaletarra. 14 urterekin hasi zen gimnasioan medikuaren baimen berezi batekin. Gaur egun, entrenatzaile batekin egiten du lan eta burua eskatzen duen diziplina dela dio. 2025ean jokatu du lehen txapelketa eta hirugarren egin du Euskadiko txapelketan.

Gaurko danborrada prestatzeko azken lanetan ibiliko dira orduotan bergararrak. San Martin jaiak, ordea, zapatuko azokarekin hasi ziren. 29 postu izan dira aurten azokan; horietatik zazpi, fruta eta barazkiena. Xaxau elkartekoak egindako herri bazkarian giro ederra izan dute eta 40. Moises Azpiazu dantza solte txapelketan Jone Arriaran eta German Aranburu azpeitiarrak nagusitu dira.

'Hemen Debagoiena' saioa osorik: 2025-09-15

Bartzelonan Arte Grafikoen ikasketak bukatu eta gutxira argitaratu zuen Julen Ribasek (Arrasate, 1981) berak marraztutako irudiak zeramatzan lehen komikia, Numenak (Aita). Ordutik beste hainbat eta hainbat lan kaleratu ditu bai Euskal Herrian eta baita Frantzian ere. Aretxabaletan duen estudioan azaldu doitu bere lanbidearen sekretuak. 

'Hemen Debagoiena' saioa osorik: 2025-09-12

'Hemen Debagoiena' saioa osorik: 2025-09-11

Lehen sektoreko ekoizleek udako uzta aterako dute kalera asteburuan; izan ere, alde batetik, San Martin azoka egongo da Bergaran, eta, bestetik, Aretxabaletan Tomatearen Eguna ospatuko dute. Mari Karmen Etxebarria ekoizle bergararrarekin eta Dabid Agirre ekoizle aretxabaletarrarekin egin du hitzordua GOIENAk.

'Hemen Debagoiena' saioa osorik: 2025-09-10

'Hemen Debagoiena' saioa osorik: 2025-09-09

Gasteizen bizi den Joxe Lazkano bergararra eta haren familia oso bidaia-zaleak dira. Duela bi urte Malaysian egon ziren; iaz, Senegalen; eta, aurten, Indiako hainbat txoko ezagutzeko aukera izan dute. Rajastan eskualdean egon dira nagusiki, baina Varanasi hirian eta Agran ere egon dira, azken horretan baitago Taj Mahal eraikin ezaguna. 

Atzo, irailak 7, jokatu zen Gipuzkoako 56. Euskal Artzain txakur Txapelketa, Legazpin. Bederatzi partaide izan ziren guztira, horietatik hiru debagoiendarrak: Jose Mari Bengoa oñatiarra, Zeu txakurrarekin; Migel Arregi oñatiarra, Goiz txakurrarekin; eta Jesus Mari Plazaola arrasatearra, Bat txakurrarekin. Laugarren, bosgarren eta seigarren sailkatu ziren, hurrenez hurren. Aitor Tato ataundarra eta Fidel txakurra izan ziren irabazle.

'Hemen Debagoiena' saioa osorik: 2025-09-08

Hockeyan aritu zen lehenengo baina pandemia sasoian bizikleta hartu eta ordutik ez du jaitsi nahi izan. Igamo Packaging taldeko aramaioarra etapa lauetan eta esprintean moldatzen da ondo; hala dio berak. Denboraldia amaituta, hurrengoari begira dago, berarentzat egokiak izan daitezkeen lasterketetan maila ona emateko gogotsu.

'Hemen Debagoiena' saioa osorik: 2025-09-05

1950eko irailaren 9a egun berezia izan zen Arantzazun eta ez bakarrik Arantzazuko Amaren eguna ospatu zutelako. Izan ere, egun horretan jarri zuten hain ezaguna eta deigarria den basilikaren lehen harria. 1984an eman zituzten erabat amaituta lanak, Nestor Basterretxeak kripta amaitu zuenean. Eraikuntza prozesuan denetarik egon zen: debekuak, heriotzak, arkitektoen arteko liskarrak, artisten haserreak...

'Hemen Debagoiena' saioa osorik: 2025-09-04

Tenerifen eta Bordelen egon dira Ointxe!-ko ordezkariak udan 3x3 saskibaloi txapelketak jokatzen. Espainiako txapeldunak izan ziren Kanarietan, eta nazioarteko taldeen aurka lehiatu ziren Frantzian jokatu zen txapelketan. Dagoeneko, baina, urriaren 4ko asteburuan abiatuko den denboraldi berriari begira jarrita daude.

'Hemen Debagoiena' saioa osorik: 2025-09-03

Udako oporraldia baliatuta, Ameriketako Estatu Batuetara egin dute bidaia Oñatz dantza taldearen bueltako hamabi lagunek. Boiseko Euskal Jaialdia izan da bidaiaren ardatza, baina beste hainbat txoko ere ezagutu dituzte. Gorka Lazkanok eta Beñat Madinak eman dituzte xehetasun guztiak.

'Hemen Debagoiena' saioa osorik: 2025-09-02

Festaz josi da abuztuko azken asteburuan Debagoiena: Kofraixako jaiak ospatu dituzte Osintxun, Bidebarrietakoak Oñatin eta Zarugaldekoak, berriz, Arrasaten. Hemen duzue jaiek emandakoa. 

'Hemen Debagoiena' saioa osorik: 2025-09-01