ALBISTEAK

Bergarako Anbulatorioko zerbitzu batzuk Miguel Altuna eraikin zaharrean kokatu dituzte, ohiko eraikinean berritze eta handitze lanak egin behar dituztelako. Obren eta horien eraginen berri eman du Debagoieneko erizainen buru Alazne Zubiaurrek. Bestetik, Udal Euskaltegien kanpaina berria aurkeztu dute eta, azkenik, Arrasateko nagusien Astearen berri.

San Migel eta Errosarixo jaietako egitaraua bete-bete dator aurten ere. Besteak beste, Latzen talde oñatiarraren kontzertua iragarri dute Foruen Enparantzan. Bestalde, Debagoieneko pentsiodunek asteon hasi dute ikasturte berria haien aldarrikapenak kalera ateraz. Astero elkartuko dira herrietako plazetan. Azkenik, Ramon Martin Sukia artxibozaina, Gipuzkoako Aldundiaren Dokumentu Sailaren Zuzendaria, omendu du Oñatin, ikertzaile talde batek.

Arrasateko San Andres auzoko Gaztetxokoa berriro zabalik dago, eraberritze lanak amaituta. Ikasturte berriarekin batera itzuli da zerbitzua Kurtzetxiki plazako ohiko lokalera. Udalak 176.159 euro bideratu ditu eraberritze lanetara. Bestetik, merkealdi azokak egin dituzte asteburuan Arrasaten eta Bergaran, udako sasoiko azken maukak plazara ateraz. Amaitzeko, Aramaioko Rallysprinta:  Aitzol Apalantza eta Virginia Reguero izan ziren azkarrenak 25. edizioan.

Urteroko hitzorduari helduz, Arrasatek Mugikortasun Jasangarriaren Astea ospatuko du irailaren 16tik 26ra bitartean. Besteak beste, bizikleten presentzia handia izango da, herritarrentzako tailer eta azokekin. Bestetik, Oñatiko fabriketan emakumeek egindako lana ikertu du Edurne Iriondok Selma Huxley bekari esker. Oñatiko fabriketan emakumeek eginiko ekarpena da bekaren laugarren lan honetan aztergai izan den eremua. Azkenik, Elgetako Udalak Asentzio parkea berrantolatzeko ekintza plana herritarrei aurkeztu die, gune horretarako asmoen berri emanez.

‘Hemen Debagoiena’ saioko albiste nagusiak, honako hauek: Irailaren 19an Arrasaten ospatuko den Aurrera Bolie egunaren berri eman dute. Eskaintza politikoa, soziala eta kulturala uztartzen ditu eta egitarau zabala prestatu dute aurtengorako. Bestetik, Aretxabaletako Txoko Feministak udazkenerako programazioa aurkeztu du. Jabetze Eskolaren barruan, bost ikastaro eta hiru topagune antolatu dituzte urritik aurrera; eta horiekin batera, baita hitzaldiak, liburu-tertuliak… Amaitzeko, 345 lagunek eman dute izena aurtengo Ikazkin Trail mendiko lasterketan. Horietatik 123 dira aretxabaletarrak. Zapatuan jokatuko da.

Herritarrak eta agintariak batu dira Gipuzkoako zaindariaren egunean, Arantzazuko Amaren egunean, Arantzazun. Bestetik, EAJk hiru proposamen aurkeztu ditu eskualdean garraio publikoa “indartzeko”. Azkenik, herritarrei galdezka, Ceutako krisiaren gainean eta herritarren boto aukeran, gertaera horrek izan dezakeen eraginaren gainean.

Dorletako Amaren Egunean, jaietako azken egunean, Otxandiokoei harrera egin zaie, urteroko ohiturari eutsiz. Oinez egin dute ibilaldia Dorletaraino. Bestalde, Antzuolako Anelkarren Elkartasun jaian, 1.397 euro bildu dituzte aurten; azkenik, Debagoieneko txakolin ekoizleek aurreratu egin dute uzta batzea, udaberri-udako eguraldi bero eta lehorraren ondorioz, mahatsa ohi baino lehen heldu delako.

Haur Hezkuntzatik hasi eta Batxilergora arteko neska-mutikoek eskolak hasi dituzte gaur, irailak 7; bailarako herri gehienetan. Bestalde, Arrasateko Araba etorbidea berrurbanizatzen eta, besteak beste, bidegorria egokitzen hasi dira. Eta, horretaz gain, Oñatiko Atzeko jaleko jaien kronika. urtengoak bereziak, 100 urte betetzen dituztela-eta.

Bergarako sanmartinak berritasunetik datoz: Oxirondo izango da jaietako gunea eta danborrada nagusiak bertan izango du geldialdia. Gainera, Pantxoa eta Peiok bertan emango dute Azken dantza birako kontzertuetako bat. Bestetik, Arrasateko Udalaren Sormen Beka feministaren bi irabazleen berri eman dute: Itziar Nanclares de Gamboa eta Amaiur Macias Aranbarri. Eta, horrekin batera, ‘Erraldoi.eus’ webgunea sortu du Ion Lizarazu antzuolarrak, Euskal Herriko erraldoien berri ematen duena.

Bergarako Erregularizaziorako babes taldeak deituta herritarrak batu dira Irala kalean, “arrazakeriaren oldarraldiari aurre egiteko”. Bestetik, udako bainu denboraldia anaitzear delarik, sorosleen balorazioa jaso du GOIENAk. Eta, amaitzeko, Oñatiko Sancti Spiritus unibertsitateari ez zaio askorik falta jatorrizko itxura berreskuratzeko.

Agurne Barruso Ikastolen Elkarteko zuzendari nagusiak aurreratu du Goiena Telebista-ko Berbagai saioan datorren urteko Kilometroak jaia Bergaran antolatuko dutela; laugarren aldia izango da. Bestetik, Smarlog Ointxeko saskibaloi jokalariak lanean hasita daude jada. Eta, bestalde, kalean galdetu zaie herritarrei udako oporrak nola igaro dituzten.

Iraileko lehen egun honetan, honakoak albiste: batetik, Aretxabaletako eta Nafarroako Mendigorriako tomateak senidetu egin direla. Abuztuaren 29an Mendigorrian hitzarmenaren sinadura irudikatu zuten bi udaletako ordezkarie. Horrekin batera, Errekan gora jaialdia bueltan izango da aurten irailaren 18tik 20ra bitartean izango da eta, beste batzuen artean, Joseba Tapia, Petti, Maniaks edota Orei taldeak izango dira.