Atzo, osteguna, 17:30 aldera, Aretxabaletako Etxebarri auzoko enpresa bateko segurtasun-jagoleek Ertzaintzari bertaratzeko eskatu zioten, "hainbat pertsonak atzeko ateak behartu eta lantegitik materiala lapurtu ondoren ihes egin zutela esanez".
Adierazitako lekura zihoazen ertzainek lantegi inguruan aurkitu zuten inplikatutako furgoneta. Ibilgailuan lau gizon eta emakume bat –24, 27, 44, 50 eta 55 urtekoak– zihoazen, eta identifikatu ondoren atxilotu egin zituzten indarra erabiliz lapurreta egitea leporatuta: "Enpresatik hartutako aluminiozko 55 pieza zeramatzaten. Gainera, atxilotuek ateak behartu zituzten lantegira sartzeko".
Atxilotuetako lau, hiru gizon eta emakumea, polizia-egoitzara eraman zituzten beharrezko eginbideak betetzera, eta bosgarrena aske geratu zen osasun-arazoak tarteko. Atxilotuak gaur, ostirala, goizean jarriko dituzte epailearen eskuetan.