Elastiko txuri-urdina janzten jarraituko du Peru Rodriguezek datorren denboraldian; izan ere, antzuolarrak urtebete berritu du Realarekin zuen kontratua, klub txuri-urdinak ohar bidez jakinarazi duenez. Jokalari garrantzitsua izan da aurten Sergio Francisco entrenatzailearentzat, lehenengo, eta Iosu Rivasentzat, gero. 34 partida jokatu ditu ligan, 2 gol sartuta, eta igoera faseko lau partidetan ere parte hartu du Rodriguezek; gainera, talde txuri-urdineko kapitaina ere izan da. Datorren urtean, beraz, bigarren mailan jokatuko du atzelari antzuolarrak.