Mariaren Lagundiak irabazi du lehenengo Drone Soccer Euskadi Txapelketa

Eneko Azurmendi Barrena

Argazkia: Garaia.

Joan den astean jokatu zuten txapelketa, Garaia parke teknologikoan. Finalera 36 ikasle iritsi ziren, hamabi taldetan banatuta, eta Mariaren Lagundia ikastolako talde bat izan zen onena.

Mariaren Lagundia Ikastolako taldeetako batek eskuratu du txapela lehenengoz egin duten Drone Soccer Euskadi Txapelketan. Ballonti BHI (Portugalete) bigarren postuan sailkatu da eta hirugarren postua Mariaren Lagundiako beste talde batentzat izan da. Horrela, Bergarako ikastetxeak bi talde kokatu ditu podiumean.

Sari-banaketa ekitaldian, antolatzaileek mezu bat helarazi nahi izan diete parte-hartzaile guztiei: "Teknologia esploratzen jarraitu, lehiaketan erakutsitako jakin-minari eutsi eta zientzian eta ingeniaritzan etorkizuneko aukera bat ikusi. Izan ere, Garaian lehiatu diren gazteak izan daitezke bihar azpiegiturak ikuskatuko dituzten, ingurumena zainduko duten edo bizitzak salbatzen lagunduko duten droneak diseinatu, programatu edo gidatuko dituztenak".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak