Batzar orokorrera zortzi puntuko gai-zerrenda eramango dute Ekiolako arduradunek, eta itzulpen zerbitzua eskainiko dute: "Batzarra gazteleraz jarraitu ahal izateko, link bat sortuko da, eta itzulpen zerbitzua gura duenak aurikularrak eraman beharko ditu etxetik", adierazi dute.
Leintz Bailarako bazkide ez diren herritarrek ere izango dute bertaratzeko aukera, izan ere, "herritar ororentzat interesgarriak izan daitezkeen hainbat puntu jorratuko dira, besteak beste, egoera energetikoa Debagoienean eta eskualdeko Komunitate energetikoak, Garaiako instalazioaren ekoizpena eta Leintz Bailarako Ekiolaren bazkideen aurrezkia, iberiar penintsula osoko apirilaren 28ko argindar-gabetzearen balizko arrazoi eta ondorioak, eta energia prezioaren bilakaera".
Boto eskubidea, baina, bazkideena izango da soilik. Sarreran pilaketak ekiditeko akreditaziorako mahaiak 17:20tik aurrera zabalduko dituzte.