Ibilbidea Arantzazuko Parketxetik abiatu da, Aizkorri-Aratz natura-parkearen bihotzetik. Ibilbide irisgarri baten barrena murgildu dira bisitariak, eta hainbat geldialdi egin dituzte ingurunea eta Arantzazu auzoa hobeto ezagutzeko.
Ondoren, Gomiztegi baserrira eta Artzain Eskolara iritsi dira bisitariak. Bertan, bisita gidatuaren bidez, baserriaren jatorria eta eguneroko funtzionamendua ezagutzeko aukera izan dute. Modu horretan, artzaintzak euskal kulturan izan duen garrantziaz hausnartu eta ogibide honen balioa nabarmendu da bisitan zehar.
Goiza borobiltzeko, artzain txakurren erakustaldiaz, gaztagintzari buruzko diaporamaz eta Gomiztegiko gazta ezberdinen dastaketaz gozatu dute parte-hartzaileek.