Gorakada izan du aurten dualean, hau da, ikasi eta lan egiten duten ikasle kopuruak Aretxabaleta Lanbide Eskolan. Urte batzuk daramatzate Dual programa horretan parte hartzen eta aurten igoera nabarmena izan du; momentu honetan 18 ikasle daude ikasi eta lana uztartzen.

Astelehenean egin zuten Confebasken Euskal enpresa eta LH ekitaldia eta bertan, prestakuntza dualean Gipuzkoako enpresa onenaren saria eman zioten Arrasateko Zerbimek lantegiari. Enpresaren fundatzaile eta zuzendaria den Alain Vivasek eta ikasi bitartean lanean ari den Ander Ormaetxea elgetarrak azaldu dute nola gauzatzen duten sistema duala.