Ibar honetako herrien sorrera eta garapena ezin da ulertu ibaiak eta errekak gurutzatzea ahalbidetzen zuten zubiak kontuan hartu barik. Estuak ziren Erdi Aroan, zabaldu egin ziren gurdiak ugaritu ziren garaian, eta, ibilgailu motordunak daudenetik, errepideen mesedetan egokitu dira, kasurik onenean. Izan ere, badira eraitsiak izan diren zubitxoak, obra handiei traba egiten zietelako. Edo erabilera eta mantentze faltagatik erori direnak. Babes handiagoa merezi dutela uste dute ondare historikoa mantentzearen aldekoek.