Topaketari ekiteko aurreko urteetako ibilgailuen deskarga egin zuten parte-hartzaileek; eta ondoren, lehiaketaren aurkezpen ofiziala eta aurtengo berrikuntzak azaldu zituzten.
Goiz erdian, 10:30ean, VIII. lehiaketako ibilgailuen erakustaldia izan zen, baita benchmarking saioa ere. "Parte-hartzaileek ideiak kontrastatu, argazkiak atera eta irtenbide tekniko ezberdinak aztertu zituzten", azaldu dute ekitaldian parte hartu zuten Aretxabaleta Lanbide Eskolako kideek.
Amaitzeko, 11:30etik 13:00etara, aurreko edizioko ibilgailuen proba saioak egin zituzten Iturripeko pistan: "Ikasleek benetako egoeretan probatzeko aukera izan zuten, autoen errendimendua eta egonkortasuna ezagutuz".
ALEko ikasleak proiektuak partekatzen
Aretxabaleta Lanbide Eskolako taldeek gainerako ikastetxeekin partekatu zituzten euren proiektuak eta, aldi berean, aurreko edizioetako ibilgailuak probatu. "Jardunaldia aukera bikaina izan da ikasleentzat beren lana testuinguru errealago batean aztertzeko eta hobetzeko", adierazi dute.
Eta topaketari balioa eman diote: "Topaketa horren bidez, Euskelec ekimenak berrikuntzan, elkarlan teknikoan eta energia garbien sustapenean egiten duen lana agerian geratu da".