Lanposturako, beharrezkoak izango dira honako baldintza hauek:
- Erdi edota goi mailako titulazioa izan beharko da. Hobetsiko da Gizarte Hezkuntza Gradua edo Heziketaren zein Gizarte Zientzien arloan eduki daitezkeen bestelako Gradu batzuk (magisteritza, pedagogia, psikologia, soziologia, …).
- Europako Erreferentzia Markoaren C1 gaitasun maila izatea beharrezkoa izango da.
- Izaera sexualeko delitu ezaren agiria aurkeztea.
Horrez gain, kontuan hartuko dute gaiarekin lotutako formazioak izatea, begirale titulua izatea, Arrasatekoa izatea, lanerako prestutasuna izatea, herrigintzan izandako ibilbidea eta talde-lanean aritzeko gaitasuna.
Interesa dutenek, curriculuma bidali beharko dute l.galdos@txatxilipurdi.eus helbidera, urtarrilaren 21a baino lehen. "Profilaren arabera jarriko gara zuekin kontaktuan", azaldu dute Txatxilipurdiko kideek. Zalantzarik izanez gero, deitu 943 79 54 46 telefonora eta Lidegatik galdetu.