Urteari errepasoa egiteko modu bat da ikusienen zerrenda, eta hala jaso du Goienak azken urteotan (2017, 2018, 2019, 2020, 2021). Horrekin batera, etxez etxe atzo banatu zen 2022ko urtekaria ere argitaratu du Goienak.
Sareko albisteen laburpenarekin hasteko, lehenik webguneko hamar albiste klikatuenak azaltzen dira, eta ostean herrikako bost ikusienak.
Hamar albiste ikusienak 'Goiena.eus'-en
1. albistea
Jendetza batu da lehen entzierroan eta horrek pilaketa eragin du
2022-06-24
Gazte asko gerturatu ziren zezen plazako sarrerara sanjuanetako lehen entzierro egunean, bigantxak iritsi aurretik sartzeko asmoarekin. Sartzen hasi zirenean hainbat pertsona jausi egin ziren eta ez atzera eta ez aurrera geratu pilaketak eraginez. Gainera, bigantxak heldu ziren segituan, eta pilatutakoen gainetik pasatzen saiatu ziren tentsio momentuak eraginez.
2. albistea
Gazte bat atxilotu dute Bergaran, kontroletik ihes egin eta istripua eragiteagatik
2022-10-08
Ertzaintzak Elorregin jarri zuen kontroletik ihes egin zuen 20 urteko gidari batek. Ertzaintzak jarraipena egin zion, eta, Bergarako Ibargarai kalean, gidariak ertzainen patruila-autoa kolpatu zuen. Ondorioz, ibilgailua erreka ertzera erori zen, kontrola galduta.
3. albistea
Manu Arregi oñatiar astronomo eta irakaslea zendu da
2022-10-09
Manu Arregi astronomoa hil zen ezustean urrian, 54 urterekin. Irakaslea zen Bergaran; baita fisikaria ere. Horrez gain, beste hainbat ekimen sustatzen ere ibiltzen zen; batik bat, astronomiari lotutakoak.
4. albistea
Danel Goikolea euskalgintzako eragileari azken agurra
2022-01-18
Urtarrilaren 15ean hil zen Danel Goikolea artista, euskaltzale, bertsolari eta sindikalista arrasatearra, 52 urte zituela. Urtarrilaren 18an egin zioten azken agurra, Arrasateko Aldai parkean. Goikoleak bere maisu Xanti Iparragirreri eskaini zion azken bertso publikoa, urtarrilaren 4an.
5. albistea
43 urteko gizonezko bat hilik agertu da Arrasateko Seber Altube plazan
2022-11-05
Azaroaren 5ean, 43 urteko gizonezko bat hilda agertu zen, Seber Altube plazan. Ertzaintzak adierazi zuenez, larrialdi zerbitzuek 05:50ean jaso zuten deia, pertsona bat ondoezik zegoela esanez; osasun langileak minutu gutxira agertu arren ezin izan zuten ezer egin gizonezkoa suspertzeko. Ertzaintzak ez zuen biolentzia zantzurik aurkitu.
6. albistea
Urbiako fonda San Inazio egunean zabalik egongo da
2022-07-18
Hainbat astez itxita egon ostean, Partzuergoak uztailaren 18an jakinarazi zuen San Inazio egunerako berriz irekiko zutela Urbiako fonda maizter berriekin. Elgetako Peio Bilbaok eta Naiara Romatetek hartu zuten oñatiarren erreleboa.
7. albistea
Maritxu Kajoi arratsaldeak emandakoa, argazkitan
2022-10-07
Beste urte batez, dotore jantzita gerturatu ziren arrasatearrak Goienaren photocall-era. Eguraldia lagun izan zuten aurtengoan, eta jende ugari batu zen Herriko Plazan, goizean zein arratsaldean.
8. albistea
2022-08-01
Goienaren 18. Udako Argazkien lehiaketako galerien artean interes handiena oñatiarren argazkiek piztu zuten, bergararrek edo arrasatearrek baino argazki gutxiago bidali bazuten ere.
9. albistea
Pello Zabala hil da, 78 urterekin
2022-02-02
Otsailaren 2an zendu zen Pello Zabala amezketarra, hamarkada luzez Arantzazuko Santutegian bizi izan zen frantziskotarra. Idazle, esatari, musikari, eguraldi iragarle... hainbat esparrutan aritu zen Zabala dibulgatzaile lanetan. Tartean, Goienako kolaboratzaile ere izan zen urte luzez. Ohorezko euskaltzaina ere bazen.
10. albistea
Zenbait ezbehar izan dira Eskoriatzako Rallysprintean
2022-07-16
Atzerapenak egon ziren Eskoriatzan uztailean ospatutako Rallysprintean, ibilbidean zehar izandako istripuengatik. Ezbehar gogorrena Monika Muñoz eta Naia Lasagabaster ama-alaba oñatiarrek izan zuten, baina gehiago ere egon ziren ordu luzez iraun zuen lasterketan.
Albiste ikusienak herriz herri
Antzuola
1. 'Conquis'-eko ikurriña Antzuolara (2022-07-05)
2. Ibai Larrea eta Maite Maiora nagusitu dira Antzuolan (2022-02-20)
3. Antzuolarren udako argazkiak (2022-07-23)
4. Antzuolan batu dira ibarreko jeltzaleak (2022-06-12)
5. Ibai Larrea, munduko txapeldunorde gazte mailan (2022-07-24)
Aramaio
1. Behargin bat erori da etxe bateko fatxadatik Aramaion (2022-05-11)
2. Txirrindulari batek istripu larria izan du Aramaion (2022-04-15)
3. Errekara erori da auto bat Aramaion (2022-07-06)
4. Aramaioarren udako argazkiak (2022-07-25)
5. Herri mailako bedeinkapena jaso dute zortzi haur jaioberriek (2022-07-03)
Aretxabaleta
1. Aretxabaletako mozorroen desfileko argazkirik onenak (2022/02/27)
2. Aretxabaletarren udako argazkiak (2022/08/08)
3. Adrenalina bete-betean, zezenaren aurrean (2022/08/17)
4. Basurdeak noraezean, bidegorriko ortuen artean (2022/08/21)
5. Aitor Zunzunegi legorretarra eta Ainara Urrutia aretxabaletarra, Ikazkin Trailen onenak (2022/09/10)
Arrasate
1. Jendetza batu da lehen entzierroan eta horrek pilaketa eragin du (2022-06-24)
2. Danel Goikolea euskalgintzako eragileari azken agurra egingo diote gaur (2022-01-18)
3. 43 urteko gizonezko bat hilik agertu da Arrasateko Seber Altube plazan (2022-11-05)
4. Maritxu Kajoi arratsaldeak emandakoa, argazkitan (2022-10-07)
5. Arrasatearren udako argazkiak (2022-08-01)
Bergara
1. Gazte bat atxilotu dute Bergaran, kontroletik ihes egin eta istripua eragiteagatik (2022-10-08)
2. Bergararren udako argazkiak (2022-08-05)
3. Bergarar bat hil da Kantabriako Ojos del Diablo mendi ibilbidean (2022-08-29)
4. Pello Garitano herrigintzaren ikurra hil da (2022-06-18)
5. Ekinez jaialdiaren bi egunak, iruditan (2022-06-12)
Elgeta
1. Josu Azkarateren omenezko jaialdiak jendetza batu du Elgetan (2022-09-03)
2. Ganaduzaleek plantoa iragarri dute, eta domekako Ferixa Nagusian ez da ganadu azokarik izango (2022-06-29)
3. Elgetarren udako argazkiak (2022-07-25)
4. Bihar, punk-oi! eztanda Elgetan (2022-09-02)
5. 130 bat lagun batu ditu Piñu-koku enduro martxaren bigarren edizioak (2022-04-23)
Eskoriatza
1. Azken agurra Xanti Iparragirreri, hunkigarri bezain xume (2022-01-04)
2. Bi gizon erreskatatu dituzte Mendiola auzoan, mendialdean, auto bat maldan behera erori ostean (2022-07-09)
3. Auto bat errekara jausi da Eskoriatzako saihesbide parean (2022-06-04)
4. Eskoriatzarren udako argazkiak (2022-07-24)
5. Nerea Amilibia eta Ibai Ormaetxea, garaile Gabez Takarraran lasterketan (2022-06-19)
Leintz Gatzaga
1. Gure Ametsa eta Tellerixa arteko bide berdearen zatia egokitzeko urratsa (2022-07-07)
2. Gatzagarren udako argazkiak (2022-07-29)
3. Mozorrotuta afaldu dute gatzagarrek (2022-09-11)
4. Gaizka Perez: "Abuzturako bost apartamentu izan nahi ditut erabilgarri" (2022-07-22)
5. 22. Korrika: Leintz Gatzaga argazkitan (2022-04-01)
Oñati
1. Oñatiarren udako argazkiak (2022-08-01)
2. "Penaz uzten dugu Urbiako Fonda" (2022-06-03)
3. Urte eta erdiko haur bat leihotik erori da Errekalde auzoan (2022-09-28)
4. Ane Irazabal lehen emakume kapitaina Corpus asteburuan (2022-06-18)
5. Basurdeek bi hektareako zelaia txikituta utzi dute (2022-01-16)
