Goizeko 10:30ean, Ertzaintzak Elorregin jarri duen kontroletik ihes egin du 20 urteko gidari batek. Ertzaintzak jarraipena egin dio, eta, Bergarako Ibargarai kalean, gidariak ertzainen patruila-autoa kolpatu du. Ibilgailua erreka ertzera erori da, kontrola galduta.
Ertzaintzak jakinarazi du 20 urteko gidariak baimendutako alkohol-tasa gainditzen zuela, eta atxilotu egin dute bide-segurtasunaren aurkako hainbat delitu eta agenteen aurkako atentatuaren delitua leporatuta. Bergarako Guardiako Epaitegiaren eskuetan utziko dute auzia.
Ihesean ari zen gazteak patruila-autoa jo du, eta bertan zihoazen bi ertzainak zauritu dira; Debagoieneko ospitalera eraman dituzte. Atxilotua ere zauritu egin dela jakinarazi du Ertzaintzak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
