9:30ak bueltan gertatu da ezbeharra GI-627 errepidean, 28. puntu kilometrikoan, Eskoriatza parean, Zarimutz baserri aurrean doan erreka inguruan. Oraindik argitzeko dauden arrazoiengatik Maltzagarako noranzkoan zihoan auto bat errekara erori da.
Erreka ur emari txikiarekin doa eta horri esker laster atera dute gidaria onik. Ertzainak, suhiltzaileak eta anbulantziak bertaratu dira. Gidaria ospitalera eraman dute.
Orain, autoa errekatik ateratzeko lanetan dihardute eremu horretan. Litekeena da lanak zerbait luzatzea; izan ere, garabia berezia beharko da horretarako.
Istripuak ez du zirkulazioan eraginik izan.
