15:40an zen hirugarren txanda hastekoa, baina atzeratu egin da, izandako istripuengatik. Ezbehar gogorrena Monika Muñoz eta Naia Lasagabaster ama-alaba oñatiarrek izan dute. Goienak jakin ahal izan duenaren arabera, Lasagabaster kopilotuak sei saihets eta orno bat apurtu ditu, eta Donostiara eraman dute ospitalera. [Bideoa: Mikel Ortueta]
Auto batek su hartu du ibilbidean, Gorka Idigoras eskoriatzarrak ere kolpea izan eta lasterketa utzi behar izan du. Beste gorabehera batzuk ere izan dira.
Gogorrena, baina, Muñoz eta Lasagabasterren ezbeharra izan da. Ibilbidearen amaiera aldera, autoaren kontrola galdu eta irauli egin da; balaztek huts egin diete.
Pilotua onik atera da, baina kopilotua anbulantzian eraman dute ospitalera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.