35,96 kilometroko martxa izan da, 1.547 metroko desnibelarein. Edozelan ere, ibilbide motzagoa egiteko aukera ere izan dute parte-hartzaileek, Intxortako jaitsiera egin eta errepidetik Elgetako plazara joanda, Santa Marina igo barik. "Parte-hartzaileak oso pozik ikusi ditugu eta berba onak besterik ez ditugu jaso. Oso lan ona egin dugula adierazi digute eta hori ederra da guretzat", dio Etor Garatek, Piñu-koku taldeko kideak.
Oraindik, ordu honetan, parte-hartzaileetako batzuk Elgetako plazara iritsi gabe dauden arren, parrillada prestatu dute antolatzaileek, eta Elgetako garagardoa ere dastagarri edukiko dute (Baobeer).
2019an antolatu zuten lehenengoz enduro martxa, "mendi pistetatik harago, enduroan zentratuz", eta lehen bi edizioen arrakasta ikusita, hirugarren bat ere egongo dela aurreratu dute antolatzaileek.
