Gai horiei buruzko nork bere ikuspegiak mahai-gaineratu dituzte Gorka Artolak –alkatea– eta Mikel Letek –EAJren bozeramailea udalbatzan–. Eta hizpide izan dituzte mugikortasuna, Arrizuriaga jauregian joango diren Txoko Feminista eta Kulturgunea edota Larramendiko plantaren proiektua ere.

Inperialismoak Venezuelaren aurkako ofentsiba gogortu duela baliatuta, Askapenak antolatuta, hitzaldia egingo dute gaur, martitzena, gaztetxean, 19:00etan. "Prozesu bolivartarraren ezaugarriak eta jomugan egotearen arrazoiak landuko ditugu, baita Euskal Herritik herri venezolarraren alde nola egin dezakegun ere", azaldu dute. Venezuelari elkartasuna adierazteko egindako beste mobilizazio batzuen testuinguruan kokatu dute gaurko saioa.