San Andresko kaleetako zoladuraren egoera Obra, Zerbitzu, Mantentze eta Auzoetako Batzordean (OZMA) landu bazen ere, haien esanetan, errepideetan zuloak daude oraindik, "oinezkoak zein gidariak arriskuan jarriz".
Horrez gain, diote, arratoien izurritearen arazoa "gero eta handiagoa" dela han. "Karraskarien ugaritzeak lotura zuzena du edukiontzien erabilera desegokiarekin, baina baita Debagoieneko Mankomunitatearen mantentze-lan egoki eta garbiketa ezarekin ere".
Hori dela eta, sozialistek Udalari eta Mankomunitateari eskatu diete erantzukizuna haien gain har dezatela, "kaleen zorua konpontzeko neurriak har ditzatela eta izurriteak prebenitzeko plan integral bat gara dezatela".