Gipuzkoako gazteek DNA aztertu ahal izango dute, genetika molekularrari buruzko doako hiru ikastarotan, Biook elkartearen eskutik. Ikastaro horiek Bergarako Laboratorium museoan eta Donostiako Medialab Tabakaleran egingo dituzte.

Arrasateko Garaia parke teknologikoak Flybbek antolatutako Drone Soccer campusa hartuko du uztailean. STEAM gaitasunak, berrikuntza, sormena eta lidergoa lantzea dira helburuak. Campusa 10 eta 14 urte bitarteko gazteei dago zuzenduta. Martitzenean, ekainak 30, itxiko da izena emateko epea.