Danobatek CGX artezteko makina berria aurkeztuko du. Makina horrek pieza handiak lantzeko gaitasuna du eta neurketak automatikoki egiteko sistema propioa dauka, zehaztasuna handitzeko eta lana errazteko. CGX artezteko makina zilindrikoa diseinu trinkoa eta pieza-ahalmen handia uztartzen dituen soluzio moldakorra da.
Artezteko Makinak, MDM-100 neurketa-sistema integratzen du; Danobatek artezteko makina zilindriko trinkoetarako berez garatutako diametro anitzeko lehen neurketa-sistema automatikoa da.
Soralucek, berriz, FLP80 fresatzeko eta mandrinatzeko makina eramango du azokara. Tamaina handiko piezak mekanizatzeko diseinatuta dago, eta produktibitatea handitzeko eta ekoizpen prozesua hobetzeko teknologia aurreratuak ditu.
Talentuaren aldeko apustua
Teknologiaz gain, Danobatgroupek pertsonen eta talentuaren aldeko apustua ere egingo du BIEMHen. Testuinguru horretan, WORKinn enplegu azokan parte hartuko du, bere eredu kooperatiboa aurkeztu eta ingeniaritzako belaunaldi berriei fabrikazio aurreratuaren sektorearen errealitatea hurbiltzeko asmoz. Taldearen arabera, enpresa-ingurunearen eta mundu akademikoaren arteko lotura sendotzea funtsezkoa da etorkizuneko profil profesionalak erakartzeko.