Zapatuan egindako erreka garbiketan jasotako hondakinak batu eta plazan jarri dituzte aurten ere ikusgai. 

Debagoienean Errekak Bizi Auzolanean taldeak antolatuta egin zuten zapatu goizean bailara mailako erreka garbiketa. Bailarako herri guztietan elkartu ziren herritarrak, Antzuolan eta Elgetan izan ezik. Eguraldia lagun izan ez izan arren, 300 lagun baino gehiago elkartu ziren erreka eta inguruak garbitzeko. Era guztietako hondakinak atera zituzten erreka bertatik nahiz bazterretatik; hala nola, plastikoak, aulkiak, sofak, lanparak edota haizagailuren bat edo beste.