Logoa

Podiuma ez, baina inoiz baino azkarrago Ritxar Fernandez

 Debagoiena Lasterkari oñatiarrak sasoi betean zegoela erakutsi zuen laugarren postuan sailkatuta (1:01:39). Alberto Juzgado izan da aurten ere azkarrena (1:00:41). Bost aldiz irabazi du lasterkari madrildarrak .

Bazkideekin harremanetan jarriko dira liburutegiak txartel berriaz informatzeko

 Debagoiena Debagoieneko udal liburutegi guztietan bazkide zenbaki bakarra erabili ahal izango dugu laster, eta baita EAEko herri eta hiri askotan ere. Horrez gain, Internet erabili ahal izango dugu liburutegi horiekin guztiekin gestioak egiteko. Debagoieneko liburutegiak eraberritze prozesu horretan daude egunotan, eta bazkideei hori jakinarazten ari dira.

Danbaka lehiaketatik kanpo gelditu ziren taldeen Mp3ak

 Debagoiena Guztira 43 talde aurkeztu ziren Danbaka musika lehiaketara eta horietatik 20 aukeratu zituzten epaimahaikoek lehiaketan parte hartzeko. 23 talde, beraz, kanpoan gelditu ziren. Orain, kanpoan gelditu ziren musika talde horiek entzuteko aukera duzue Goiena.net-en.

Publikoaren saria: Enboskada eta Denialen arteko aldea txikitzen

 Debagoiena Enboskada da oraindik ere publikoaren faboritoa Danbaka lehiaketan (botoen %28,3), baina Denial taldearekiko duen aldea txikitzen doa. Joan den astean botoen %12,3 zuen Denialek, aste honetan, berriz, %17,5. Jendeak aukeratuko du Ikuslearen saria.

Kutxak karrera amaierako sariak eman dizkie MUko ikasleei

 Debagoiena Hamazortzigarren aldiz aurten, Kutxak karrera amaierako sariak eman dizkie espediente onena duten ikasleei. Tartean, ibarreko hiru: Saioa Iturbe arrasatearra, Leire Blazquez aretxabaletarra eta Jon Andueza bergararra. Sariok Donostian banatuko dira, azaroaren 26an.

Jesus Larrañagaren liburua aurkeztu eta omenaldi hunkigarria egin zioten

 Debagoiena Atzo, eguaztena, Jesus Larrañaga zenak kooperatibismoaz idatzitako liburua aurkeztu zuten Arrasaten:"Dilema del cooperativismo en la era de la globalización". Jende ugari hurbildu zen ekitaldira, Joseba Azkarraga, Justizia eta Lan sailburua, Leire Ereño Gipuzkoako Diputazioa ordezkatuz, Patxi Ormazabal Kooperatiben Elkargoaren ordezkaria, eta MCCko arduradun ugari. Maiatzean hil zen Jesus Larrañagaren familiartekoak ere ekitaldian izan ziren. Une hunkigarriak bizi izan ziren ekitaldian, bereziki, Jose Mari Ormaetxeak hitz egin zuenean.

Kilometroak 05en aurkezpen ekitaldia, egubakoitzean

 Debagoiena Datorren urteko Kilometroak aurkezteko jaia egingo dute egubakoitzean, hilak 12, Eskoriatzako Kiroldegian. Txupinazoa, moda desfilea, musika, olerkiak eta beste hainbat ekintza izango dira 19:00etan hasita. Goizean, berriz, Kilometroak aurkezteko prentsaurrekoa egingo dute Donostian.

Danbaka: Bigarren emanaldiaren gaineko kritikak eta argazkiak

 Debagoiena Denial, Neure Baitan, Dixie 900 eta Enboskada izan ziren Espaloiko taula gainean egubakoitzean. Death metal melodikoa, folk intimista, 80ko hamarkadaren zordun den pop maltzurra eta punk-rock konprometitua entzun ziren. "Goiena.net"-en bildu ditugu talde bakoitzaren emanaldiaren gaineko kritikak eta kontzertuko argazkiak.

Barietatea eta ezuste atseginak Danbakako bigarren emanaldian

 Debagoiena Danbakako bigarren emanaldiak, egubakoitzean, agerian utzi zuen berriro Debagoieneko musika aberastasun eta barietatea: lau taldek jo zuten, bakoitza estilo banakoa, eta sentimendu eta bizitasun handiko gaua osatu zuten.

Danbakako bigarren kontzertua gaur, Espaloian

 Debagoiena Danbaka musika lehiaketa aurrera doa, eta gaur, egubakoitza, beste lau lehiakidek eskainiko dute kontzertua; Dixie 900, Denial, Enboskada eta Neure Baitan taldeek. Elgetako Espaloia Kafe Antzokian izango da kontzertua, 22:30ean. Publikoaren Sariari dagokionez, Enboskada talde arrasatearra da oraindik ere faboritoa.

Ibarreko kirolarien gaineko gehigarriak AG-n

 Debagoiena Asteleheneko Goienkaria-rekin batera ibarreko kirolarien gaineko lau gehigarri kaleratuko dira azaroan: futbolari, eskubaloiari, saskibaloiari eta pilotari buruzkoak, guztiak koloretan. Debagoienean kirol federatuan dabiltzan 1.000tik gora gazte agertuko dira gehigarriotan.

Jesus Larrañaga zenak kooperatibismoaz idatzitako liburua kaleratuko dute laster

 Debagoiena Azaroaren 10ean aurkeztuko dute, "Dilema Del Cooperativismo en la era de la globalizacion" liburua, Jesus Larrañaga, Arrasateko kooperatibismoaren sortzaileetariko batek idatzitako liburua. Maiatzean hil zen Larrañaga.

Ilargi eklipsea izango dugu eguazten gauean

 Debagoiena Asteazkenetik ostegunera bitartean izango da. 03:14ean hasiko da ilargi eklipsea. Ilatargi Astronomia Taldeak irteera antolatu du Gorlara.

Danbakako lehenengo emanaldien gaineko kritikak eta argazkiak

 Debagoiena Danbaka lehiaketako lehenengo kontzertua izan zen joan den egubakoitzean. Potemkin, Amonal, Jim TNT eta Matxura izan ziren lehiaketa estreinatu zutenak. Espaloia Kafe Antzokian bildutako ehunka lagunek bikain pasatu zuten lau taldeekin. Goiena.net-en bildu ditugu talde bakoitzaren emanaldiaren gaineko kritikak eta kontzertuko argazkiak.

Debagoiendarrek bikain hartu zuten Danbakaren estreinaldia

 Debagoiena Debagoiendarrek jakin-min handia zuten Danbaka lehiaketaren estreinaldiarekiko, eta horren pareko erantzuna eman zioten atzoko, egubakoitzeko, kontzertuari. Hain zuzen, 400 bat lagunek bete zuten Espaloia kafe antzokia. Lau taldeek denetariko estiloak landu zituzten, eta kalitate maila orokorra oso ona izan zen.

Danbaka Musika Lehiaketako taldeen abestiak Interneten daude

 Debagoiena Danbaka Debagoieneko I. Musika Lehiaketako hogei talde aukeratuen informazio osoa sarean dago. Tartean, talde bakoitzaren abesti bana entzuteko aukera dago, MP3 formatuan.

Danbaka: kontzertuen egutegia, SMS bidez botoak, taldeen fitxak...

 Debagoiena Dagoeneko badakigu zein hogei taldek hartuko duten parte Danbaka lehiaketan. Barikuan, hilak 22, izango da lehenengo kontzertua, Elgetako Espaloia Kafe Antzokian. Baina, kontzertuetara joan ezin duzuenok Goiena.net-en duzue aukera kantuak entzuteko. Hori, ordea, bihar goizean jarriko dugu. Bestalde, ikus-entzuleok bigarren saria emateko aukera izango duzue, SMS bidez.

Mundukide: Ekimen berriak bultzatzen bost herrialdetan

 Debagoiena Mundukide iniziatiba produktibo, ekonomiko eta prestakuntza egitasmoen garapenean laguntzen dabil Perun, Txilen, Kuban, Brasilen eta Saharan. Mundukideren 9. buletinean dago ekimen berri horiei buruzko informazioa. Beste hainbat proiekturen berri ere badakar hiruhilabetekariak.

Lankidetzari eta gizarte-laneko boluntarioei buruzko ikastaroa Arrasaten

 Debagoiena Arrasate, Aretxabaleta eta Eskoriatzako Gobernuz Kanpoko Erakundeek "Lankidetzari eta gizarte-laneko boluntarioei buruzko 2. trebakuntza-ikastaroa" antolatu dute. Urriaren 23an hasiko da ikastaroa.

DANBAKArako sarrerak Internet bidez Gaztekutxan

 Debagoiena Debagoieneko I. Musika Lehiaketako kontzertuak urriaren 22an hasiko dira. Emanaldi guztiak Elgetako Espaloia Kafe Antzokian izango dira. Kontzertuetarako sarrerak Gaztekutxaren bitartez erosi ahal izango dira Interneten bihartik aurrera, hilak 8.