Kohesioa ardatz izanik, "ongizateari, jendarteari eta lurraldeari erreparatzea" du helburu Eusko Ikaskuntzak bere hemeretzigarren kongresuan. Urriaren 2an, datorren eguaztenean, hasiko da, irekiera instituzionala egingo baitute 09:00etan, eta antolatzaileek jakinarazi dute hainbat aurkezpen, hitzaldi, mahai inguru, parte-hartze dinamika eta hausnarketa-saio izango direla urriaren 4ra arte, "puri-purian" dauden gaiak lantzeko.
Parte-hartzeko interesa izanez gero, izena eman behar da aurrez, eta martxan da horretarako aukera. Bestalde, hemen daude jardunaldien xehetasunak.