Koloreena eta Torreko Zubiarena ipuin ilustratuak aurkeztu dituzte Lukene Igartua eta Izar Mendiola ama-alabek, gaur, egubakoitza, Kultur etxeko zine aretoan. Bi ipuin berri hauek, iaz aurkeztutako Mila Bildumaren barruan kokatzen dira, eta, besteak beste, Durangoko Azokan eta Oñatiko Gabonetako azokan eskuratu ahalko dira. 

Kerobia taldeak Bergarako Seminarixoa aretoan jo zuen atzo iluntzean. 2025eko martxoan kaleratutako Poliorkêtês izeneko azken lan luzea aurkeztu zuen, eta bere errepertorioan ezagunak diren hainbat kantu ere jo zituen. Azken horietako bat da bideokoa: Supernova diskoko (2013) Birak.