Johnny BigStone & Sweet Marta bikotea, Old Blues izeneko soinua fideltasunez birsortzeko gai den bikote bakarrenetakotzat jotzen da. Euren errepertorioan Delta blues, Piedmont blues edo Old-Time Country estiloak aurkitu daitezke. Gainera, Jazz Gillum, Reverend Gary Davis, Blind Lemon Jefferson edo Blind Blake bezalako artisten piezak berreskuratu dituzte.
Euren ibilbidea, Estatu Batuetan zehar bidaiatzen hasi zuten, bluesaren errepidea bezala ezaguna den Ruta 61-a zeharkatuz. Bertan, musikaren jatorrian sakondu zuten, eta, gainera, Paul Oscher, Greg Izor, John Primer edo James Duck bezalakoekin eszenatokia partekatu ahal izan zuten. Bikoteak Europa osoko klub eta jaialdietan jo du, hala nola: Potatoes Blues Festival, Cahors Blues Festival, Caslano Blues Festival edo Bartzelonako Blues Jaialdian. Arrasateko kontzertuan, euren hirugarren diskoa aurkeztuko dute, Love Gone izenekoa.