Debagoieneko Helduen Dantzari Eguna ospatzen dabiltza gaur, zapatua, bailarako dantzariak. Oñati izan dute aterpe Debagoieneko bost herritako sei dantza taldek: Eskoriatzako Gorosarri, Aretxabaletako Leizarra, Arrasateko Lore Gazteak eta Txikitxu Arrostaitz, Antzuolako Oinarin eta Oñatiko Oñatz. Osotara bailara osoko 250 dantzari eta musikari elkartu dira.
Goizean goizetik hasi dute eguna, baina, 12:00etan hasi da dantza ikuskizun nagusia, pilotalekuan. Bete egin da Zubikoa, eta bailarako herritarren aurrean hamabost dantza egin dituzte, batzuk elkarrekin eta besteak talde bakoitzak banaka. Euskal Herriko txoko ezberdinetako dantzak egin dituzte, tartean, bideoan ikusgai dagoen Bizkaiko makil handi dantza.