Huostonetik (Texas) etorritako talde amerikar batek lehen aldiz joko du Arrasaten, Europako bira egiten dagoela aprobetxatuta. Stave Krasek sortutako talde hau Steve Krasek berak (harmonika), Rock Romano handiak (baxua), David Carterrek (gitarra), Paolo Castagnolik (bateria) eta Alisha Pattillok (saxofoia) osatzen dute. Hogei urte baino gehiagoko ibilbidearekin, bluesa, soula eta rocka Texasko benetako usainarekin eskaintzera dator.
Ibai-Artek antolatu du ekimena; eta, Arrasateko Udala, Eurko Jaurlaritzako Turismo, Merkataritza eta Kontsumo Saila, eta Gipuzkoako Foru Aldundiaren Ekonomia Sustapeneko eta Proiektu Estrategikoetako Saila izan ditu laguntzaile.