2019an Santa Columba baseliza Gatzagako Gatz Museoko harreragune bihurtu zuten, eta horixe izan da ordutik hona Gatz Museoaren jarduera gestionatzeko eremua, harrera, denda, informazio-gunea eta bisitarien elkargune. Eraikinaren bilakaera ona izan dela nabarmendu du Aitor Larrañagak, Gatzagako Gatz Museoko arduradunak.

Ohiturari eutsiz, herriko jaien osteko zapatuan elkartu dira eta, bazkaldu aurretik, Udalak erretiratuentzat berreskuratutako lokala ezagutzen egon dira. Izan ere, han emango dituzte fisioterapia, podologo eta ile-apaindegi zerbitzuak, hilean behin. Ondoren, elkarrekin bazkaldu dute, opariak eta guzti, eta muserako eta dantzarako tartea ere hartu dute bazkalostean.