Dirulaguntza baten bitartez atondu genuen eraikina, eta ermita gatz jardueraren zentro bilakatu dugu. Orain, agintaldi berrian ere itxura aldaketa egin dugu. Horretarako, artxiboko argazkiak eta Juan Luis Zabala herriko argazkilari batek gordeta zituen argazkiak eta berriak ateratakoak tamaina handian inprimatu eta eraikin barruan jarri ditugu zintzilikatuta, eremua apaintzeko".
Udako bisitekin konforme
Uda izaten da izaten da bisitari kopuru gehien jasotzen duten garaia Gatz Museoan, eta, iaz antzera, inguruko landa-etxeetatik bideratuta bisitari asko izan dituzte. Azaldu dutenez, %75a bertako bisitariak izan dira, eta, %25a Estatu osoko bisitariek osatu dute; batez ere, Madril, Bartzelona edo Balentziatik etorritakoek. Horren baitan, lan-kargari aurre egiteko, uztailaren 10ean hasita, Ahinara Zubizarreta eskoriatzarra dago bertan lanean.
Langile berria lanean
Gatz Museoko beharrei aurre egiteko langile bat kontratatu dute, Ahinara Zubizarreta eskoriatzarra. Uztailean hasi zen, eta urtarrilera arte egongo da gatzaren misterioak ikasten eta irakasten.
