Logoa

Zerbitzu bereziak, Domu Santu egunerako

 Arrasate Hilerria egun osoan zabalik izango da gaur eta bihar, 08:30etik 20:30ak arte. Bestalde, autobus zerbitzu berezia izango da.

70.000 euroko kalteak izan dira autobideko leherketaren ondorioz

 Arrasate Urriaren 10ean autobideko lanetan izandako eztanda zer esan asko ematen ari da oraindik. Gipuzkoako diputazioak gertatutako istripuari buruzko balorazioa egin du. Azpiegituren diputatu den Javier Zuriarrainek Batzar Nagusien aurrean hitz egin du. Hala eskatu zioten Aralarrek, Esker Batuak eta Alderdi Popularrak. Zuriarrainek igorritako datuen arabera, guztira, 70.000 euroko kalteak izan dira leherketa istripuaren ondorioz. 35 auto, bi etxebizitza bloke eta Zigarrolako ermita izan ziren kaltetuak.

Arrasateko Euskalgintzaren mintegia: aurrera begira nola jarraitu erabaki behar dute orain

 Arrasate Arrasateko Euskalgintzak mintegia egin zuen zapatuan Udalako Ingurugiro Eskolan. Euskalgintzako partaide diren 14 elkarte, eragile eta bestelakoek momentuko egoeraren azterketa egin zuten, aurrera begira nola jarraitu erabakitzeko.

Zenbait eragozpen kamioi batek zeraman likidoa isuri eta gero

 Arrasate Udala plazan kamioi batek galdategian edo fundizioan erabiltzen den pintura berezi bat isuri du 13:00ak aldean. Kamioiak zuen akats batek eragin du isurketa. Isurketaren ondorioz istripu txiki bat izan da bi autoren artean eta zenbait oinezko ere erori egin dira, likidoa oso labainkorra baitzen. Arratsaldean garbitu dute bidea.

Zerrajerako autobus geltokia kenduko dute datorren astean

 Arrasate Arrasateko Udalak ohar baten bidez jakinarazi du azaroaren 6an, astelehenean, Garibaiko autobus geltokia martxan jarriko dutela. Hala, Garibaiko kaleko zirkulazioa zabaldu egingo dute.

Gobernuaren erabaki bati aurre egiteko emendakina adostu du oposizioak

 Arrasate Ezusteko larregi ez da egon urriko osokoan, baina bai aipatzekoak diren lau puntu. Horietako batean, oposizioa elkartu egin dela gobernuak hartutako erabaki bati aurre egiteko.

Arrasateko supermerkatu batean 5.000 euro inguru lapurtu dituzte

 Arrasate Zarauzko komisaldegiko agenteek 34 urteko M.D.E.A. eta 30 urteko T.B.V. emakumeak atxilotu zituzten atzo, Arrasateko supermerkatu batean 5.000 euro lapurtzea egotzita.

Biteri aparkalekurako bonoak banatuko dizkiete herriko dendariek bezeroei

 Arrasate Ibai Arte, Arrasateko dendarien elkartea bezeroen artean Biteriko aparkaleku berrirako bonoak banatzen hasiko da erosketekin batera. Ordubeteko bonoak izango dira eta modu horretan bezeroek eurengan jartzen duten konfiantza saritu nahi dute. Ekimena azaroaren 4an jarriko dute abian eta urtarril bukaera arte iraungo du.

Presoen eskubideei babes handia

 Arrasate Atzo, urriak 26, prentsaurrekoa egin zuten presoen egoera zein den azaltzeko. Jende ugari elkartu zen Uharkapen. Besteak beste ekimen honekin bat egin dute Ruper Ordorikak, Xabier Letonak, Juan Carlos Bengoak, Eskoriatzako alkateak, Antxon Mendizabalek, Evaristok, Aitor Lopez Rekartek eta Olatz Pagaldai aktoreak.

Ingurugiro karabana iritsi da

 Arrasate Eusko Jaurlaritzak eta Arrasateko Ingurugiro Eskolak antolatutako Ingurumen Karabana Arrasatera iritsi da gaur, urriak 26. Lehen hezkuntzako 700 bat ikaslek egin dute ingurumenaren alde Uharkapen.

ATECEk kirol jaia egingo du zapatuan

 Arrasate Gipuzkoako ATECE, burmuin kaltea duten gaixo eta senideen elkarteak, ATECE-BITHON kirol jaialdia egingo du zapatuan, urriaren 28an, Uharkape pilotalekuan.

Kultura etxe berria herritar guztiendako zabalik gaurtik aurrera

 Arrasate Atzo, eguaztena, izan zuten Arrasateko zinegotzi eta politikariek kultura etxe berria barrutik ezagutzeko aukera. Eraberritze lanen emaitzak ikusi ahal izan zituzten politikariek eta baita areto eta gela bakoitzaren erabilera zein izango den ere. Gustura irten ziren denak ere kultura etxe berriarekin, baina proiektua aurrera ateratzeko moduak kritika bat baino gehiago jaso du. Gaurtik aurrera, berriz, herritar guztiek bisitatu ahal izango dute; txanda eskatu beharko da horretarako.

Zergak %4 igoko dira 2007an

 Arrasate Aurten salbuespen bakarrarekin, gainera. Izan ere, jarduera ekonomikoen gaineko zerga, %4 barik %7 igoko dute, Ezker Batuak egindako emendakinetako baten eskaerarekin lotuta. Jarduera ekonomikoen gaineko zerga hori kobratzen zaie bi milioi eurotik gora fakturatzen duten enpresei.

Nortasun agiriaren inguruko tramiteak egiteko sistema hobetuko dute

 Arrasate Ordua eskatzeko sistemak sortzen dituen ilara luzeen ondorioz, sistema hobetzea pentsatu du Udalak. Aurrerantzean BAZ bulegoa arduratuko da NAN zerbitzuaren inguruko tramiteekin.

Ertzaintza Iratin sartu da

 Arrasate Azken ordua (16:00): Miaketa amaitu dute eta alde egin dute ertzainek eta epaileak. Laster izango ditugu hemen Irati tabernako arduradun baten adierazpenak. GOITBn eman duten albistea ikusgai duzue hemen.

PPko zinegotzi Antonio Palaciosek dimititu egin du

 Arrasate Urriari dagokion osoko bilkuran gauzatuko da dimisioa; ezustekorik ezean, datorren astelehenean, beraz.

On Jose Luis Iñarraren biografia aurkeztu dute

 Arrasate Eusebio Iñarrak eta Josemari Velez de Mendizabalek Jose Luis Iñarra, Mondragueko parrokua liburua egin dute. Iñarra parrokoaren biografia batu dute haurtzarotik Arrasaten hil zen arte.

Autopistaren eztandaren ondorioz 60 salaketa jarri dituzte ertzain-etxean

 Arrasate Eibar-Gasteiz autobideko lanetan izandako eztandaren kalteak kontabilizatzen jarraitzen dute oraingo astean. Kaltetuak dabiltza Bergarako ertzain-etxean salaketak ipintzen (943 53 47 20 telefonoan edo bertara joanda).

Ziega bat ipiniko dute Seberren, Gabonak arte

 Arrasate Egubakoitzean hasi eta Gabonak arte, astebururo ziega bat ipiniko dute Seberren. Portaloira Elkarteak bideratutako ekimena da, presoen eskubideak aldarrikatzeko. Bigarren eskuko azoka antolatzen ere badabil.

Zero Pobrezia plataformak kontzentraziorako deia egin du

 Arrasate Urriaren 21ean, larunbatean, egingo dute kontzentrazioa. Arrasateko udaletxe aurrean izango da 19:00etan.

Gida komertziala

Gida komertzialeko produktuak

Kontserbak
Kontabilitatea
Sukaldea
Elikadura biologikoa
Margoak