Palmera, hagina eta beste 12 zuhaitz Sagastiko berdegunean

 Antzuola

Sagasti auzoko berdegunea pixkanaka itxura aldatzen ari da. Etxeen arteko lur zatian berdegunea ipintzeko asmoa aspaldikoa da, baina etxeak amaitu arte ez dituzte egokitze lanak egin.

Sagastiko gizarte etxearen lanak udan hasi nahi dituzte

 Antzuola Astelehenean aurkeztu zuen udalak Sagastin eraikiko duten kultura eta gizarte etxearen aurre proiektua, Joxe Joan Gonzalez de Txabarri Gipuzkoako diputatu nagusia bertan zela. Bi milioi euro inguruko aurrekontua izango du. Ekitaldi berean, diputatu nagusiak eta Josu Arrizabalaga errepideetako zuzendariak Bergaratik herrirako sarreraren proiektua aurkeztu zuten.

Foru Aldundiak herri barruko hainbat errepide egokituko ditu

 Antzuola Gipuzkoako Foru Aldundiak Antzuolako hainbat errepide egokituko ditu. Herri barruko errepideak dira, eta egokitze lanok gaur goizean aurkeztuko dituzte. Horrekin batera, Udalak bultzatutako Gizartetxe Programa ere aurkeztuko dute ekitaldi berean.

'Erreleboa' antzezlana zapatuan Olaranen

 Antzuola Zapatuan, helduendako antzerki saioa izango da 22:00etan Olaranen. Txalo antzerki taldeak Erreleboa lana eskainiko du. Lan honek aurtengo Azpeitiako Antzerki Topaketetan antzezlan onenaren saria jaso du.

Udalak 2.581.386 euroko aurrekontua aurkeztu du

 Antzuola Udal aurrekontua izan da gaurko udalbatzarreko gai nagusia. Proposamenaren arabera, 2.581.386,28 eurokoa da aurrekontua. Iazko aurrekontuarekin alderatuta zertxobait gora egin du; izan ere 2.460.054 eurokoa izan zen.

Lizarragako bidea astelehen goizean itxita

 Antzuola Itxita egongo da Lizarragako bidea astelehen goizean bi orduz bideko obrak direla eta.

Antzuola eta Lizarra bat eginda Alfonso Ugarte goraipatzeko

 Antzuola Alfonso Ugarte musikariaren irudia goraipatu asmoz, bat egin dute Lizarrako eta Antzuolako Udalek. Besteak beste kultura eta musika ekintzak antolatuko dituzte elkarlanean.

Egubakoitzean zabalduko dute berriz gaztetxea

 Antzuola Aurreko asteko batzar orokorrean erabaki zuen Antzuolako Gazte Asanbladak asteon zabaltzea berriro gaztetxea. Dena den, oraingoz ez dute ekitaldi berezirik egingo; aurrerago ospatuko dute oraingo irekiera.

Etxean da Karmen Irizar preso antzuolarra

 Antzuola Karmen atzo irten zen Valladolideko kartzelatik. Zigor osoa bete du, bost urte eta sei hilabete, hain zuzen ere, eta inkomunikazioa eta torturak salatu ditu preso egon den bitartean. Lehen harrera atzo bertan egin zioten, baina datorren zapatuan egingo diote ongietorria herrian.

Karmeni harrera egitera 80 bat lagun doaz Valladolidera

 Antzuola Ia bost urte eta gero, aske geratuko da Karmen Irizar presoa domekan, hilak 26. Valladolideko espetxean dago gaur egun, eta haraxe joango dira 80 bat senitarteko eta lagun, autobusez, bere bila. Bueltan, Kanpanzarren bazkaria egingo dute, Karmenen askatasuna ospatzeko.

Bertso ikastaroa, Idolazek antolatuta

 Antzuola Idolaz euskara elkarteak bertso ikastaroa antolatu du. Enaitz Alustiza izango da irakaslea. Martxoaren 1era arte dago izena emateko aukera.

Arrolak batzar orokorra egingo du

 Antzuola Eguaztenean, hilak 22, urteko batzar orokorra egingo du Arrola mendizale elkarteak. Olaran etxean izango da hori, 19:00etan. Ondoren, 19:30 inguruan, Jon Beloki mendizalearen ikus-entzunezko emanaldia izango dugu. G3, G4 eta Ogroko espedizioen gainean jardungo du Belokik.

Aurrekontuak martxoaren 10ean onartuko dituzte

 Antzuola Martxoaren 10ean egingo dute hurrengo hileko osoko bilkura. Hantxe, 2006. urteko aurrekontuak aurkeztuko eta onartuko ditu udalbatzarrak.

'Antzuolako Toponimia' liburua aurkeztu dute

 Antzuola Kristina Pavo antzuolarrak egindako lana gaur, otsailak 10, aurkeztu dute Olaran etxean. Kristinak 1.700 leku-izen batu ditu liburuan. Euskaltzaindiaren Onomastika Bilduman argitaratu dute liburua.

Larru-ontzearen etnografia egitasmoa bultzatzeko eta mairuaren alardea biziberritzeko diru-laguntzak

 Antzuola Gipuzkoako Foru Aldundiak emango du diru-laguntza: 125.000 euro emango ditu Antzuolako larru-ontze eta uhalgintzaren etnografi egitasmoa burutzeko; eta 15.000 euro Mairuaren Alardea biziberritu eta eguneratzeko.

Iturbeandia baserria monumentu izendatu dute

 Antzuola Oraingo astean jakin dugu Lizarraga auzoko Iturbeandia baserria monumentu izendatu duela Eusko Jaurlaritzako Kultura Sailak.

Aratusteetako dantza ikasteko aukera dago

 Antzuola Aratusteetan batera dantza egiteko aukera izango dute antzuolarrek; izan ere, Oinarin taldeak aratusteetako dantza ikastaroa hasiko du otsailaren 1ean, eguaztena.

Iraunkortasunerako ekintza plana onartu du Udalak

 Antzuola Tokiko Agenda 21eko lantaldeak landutako ekintza plana aztertu zuen udalbatzarrak aurreko asteko osoko bilkuran, eta baita onartu ere. Tokiko Agenda 21aren helburua da herriaren egoera ezagututa, etorkizunerako helburuak zehaztea eta horiek lortzeko ekintza planak diseinatzea. Bete du, hortaz, bere helburua lantaldeak.

Gaztetxea laster zabalduko dute

 Antzuola Datozen asteetan Gaztetxea berriro zabaltzeko asmoa dute gazte asanbladako kideek. Aurrerantzean, lagun talde bat arduratuko da lokalaren jardunaz.

Errekako lanen lehenengo fasea otsail erdialdean hasiko dute

 Antzuola Mañarieta kalean jarri dituzte dagoeneko langileek erabiltzeko txabolak. Erreka desbideratzeko lanak hastear daude.

Gida komertziala

Maripi Iturbe

Maripi Iturbe Antigua auzoa 7
20577 Antzuola
Tel.: 943766186

Gida komertzialeko produktuak

Txartelak
Hariak
Ilerako produktuak
Giro ezin hobea
Arraina1