"Arraroak eta gogorrak" izan dira Aramaioko jaiak, baina herriaren kohesioa nabarmendu dute balorazio bileran
uzt 14 Aramaio
Aramaioko Udalak jaietako balorazio bilera egin du aurten, ohiko inkesta alde batera utzita. Hogei bat herritar eta elkartetako ordezkari elkartu dira, eta ondorio nagusia izan da jaiak "arraroak eta gogorrak" izan direla, baina, aldi berean, herriaren "sendotasuna eta parte-hartzeko gaitasuna" agerian utzi dituztela.
