Manifestazioa egingo dute herriko ostalariek bizi duten egoera gogorra salatzeko eta 2021 urtera begirako laguntzetan kontuan har ditzaten. Azkena tabernatik irten eta udaletxean amaituko dute.
III. bikoizketa lehiaketa egingo dute kultur etxean. Euskaraldiaren baitako egitarauko ekitaldia da. Izena emateko azken eguna: azaroaren 24a.
'El año que dejamos de jugar' filma (Alemania, 2019). Zuzendaria: Caroline Link. Sarrera da bost eurotik.
Kamikaz kolektiboak Matriuska antzezlana aurkeztuko du azaroaren 27an, 19:00etan Zaldibar antzokian, eta sarrera jadanik salgai daude kiroldegian 5 euroan. Iraia Elias da proiektuaren zuzendaria eta bi aktoretako bat, bestea Amancay Gaztañaga da. Antzezlanaren sinopsia: “Etorkizun berri bat eraikitzeko giltza beraien esku dago. Emakume guzti horiek utzitako ondarearen bidez mundua eraldatzera datoz mesias berria eta bere laguntzailea. Bada garaia bere dohainen ardura hartu eta erronka berriari adarretatik heltzekoa. Bada garaia munduari begiak zabaltzekoa. Bada garaia beren barruan zer dagoen ikusi eta ekintzara pasatzekoa.”
Umorearen mugan funanbulista-lanak egiten ibiliko dira gazte hauek. Telebistako late-night saioetan oinarritutako ikuskizuna izango da: Gonbidatuei elkarrizketak, kolaboratzaileak... Hau dena gidatzen Iker Plazaola egongo da. ZARRAMARRA: Umorearen marraz hara! Sarrera da bost eurotik.
Bernarda Albaren etxea antzezlana eskainiko dute Torresoroan; sarrerak aurrez erreserbatu behar dira liburutegian edo labur.eus/SarrerakAntzuola helbidean. Argazkia: elgeta.eus
Orfeoiaren helburua musikaren eta kantuaren zaletasuna suspertu eta berau ezagutzera eramatea da.
Artgazki taldeko hogei argazkilarik egindako lanak. Bakoitzak launa argazki ipini ditu ikusgai, hilaren 28ra arte. Astelehenetik zapatura arte, 17:30etik 20:30era arte.
Gurutze Mujika pintorearen erakusketa ikusgai. Astelehenetik ostiralera 11:ooetatik 13:00etara eta 18:00etatik 20:00etara. Zapatuetan berriz, 11:00etatik 13:00etara.
Hiru hamarkada bete ditu Kirol Argazkien Lehiaketak Bergaran, eta aurtengorako epaimahaiak aho batez hautatu ditu irabazleak. Bihar, azaroak 20, emango zaizkie sariak eta ondoren ikusgai egongo dira argazki horiek abenduaren 6ra arte, Aroztegin. Debagoiendarrek aurten ere ez dute hutsik egin: Juan Antonio Unzurrunzaga bergararrak bi sari irabazi ditu, eta Juan Jose Lopez Azurmendi bergararrak eta Aritz Gordo arrasatearrak, sari bana.
Jostailu bilketa egingo du Loratu egitasmoak. Etxean gordeta eta geldi dauden jostailuak, mahai-jolasak, liburuak, patineteak… jaso gura dituzte erabilera emateko. Materiala egoera onean egotea eskatu dute, eta gero hori desinfektatzeaz Loratuko kideak arduratuko dira. Udaletxe zaharrean jasoko dute. Ordutegia: Astelehenetik egubakoitzera: 16:00etatik 20:00etara. Zapatuetan: 10:30-13:00 Argibideak jasotzeko: loratu@loramendielkartea.eus edo 634 45 28 37