Jon Garcia del Val gitarra-jotzailearen eskutik, Goienagusiren ikasturtearen baitan.
Mintzodromoa egingo dute Euskaraldiaren baitan Seber Altube plazan.
Egunean bertan erabakiko dute nora joango diren.
Azaroak 25. Eskoriatzan Feminismoa Bizirik taldeak antolatuta: 17:00etan hasita TAILERRAK, plazan: 3-6 urte bitartekoentzak IPUIN KONTAKETA, 7-10 urte bitartekoentzako ANTZERKIA, eta 10-15 urte bitartekoentzako, ABESTIAK AZTERTZEA. Gero, 18:30 KONTZENTRAZIOA, plazan.
Herri Eskolan ere aintzat hartuko dute Indarkeria Matxistaren Kontrako Nazioarteko Eguna, eta ordu eta erdiko formakuntza saioa antolatu dute LH-5eko eta LH-6ko ikasleen gurasoendako.
Azaroaren 25aren harira, manifestazio zaratatsua egingo dute eguaztenean. Kultura etxean hasiko da manifestazioa eta etxeko tresnak eramateko deia egin dute.
Oñatiko sare feministak antolatuta, lapiko jotzea (pankazerolada) egingo dute herriko kaleetan zehar plazatik abiatuta; nork bere zartagin, lapiko edo zarata ateratzeko tresna eraman behar du. Ondoren elkarretaratzea egingo dute plazan.
Azaroren 25ean Eskoitzako neska gazteak taldeak antolatuta, Santa Marina plazan elkartzera animatu dituzte herritarrak. Bertan egon ondoren, Fernando Eskoriatza plazara joateko asmoz.
Jatorrizko bertsioan, azpitituluekin. Sarrerak, hiru euro.
Herritarrak mobilizatu eta gogoeta sustatzeko kale ekintza egingo dute Martxanterek.
Indarkeria Matxistaren Kontrako Nazioarteko Egunaren harira, elkarretaratzea antolatu dute Emakume Txokoak eta Arrasateko mugimendu feministek elkarlanean, Bakartzen gaituzten biolentzien aurrean, josi ditzagun sareak! lelopean.
Udalak eta Herriko Mugimendu Feministak deituta elkarretaratzea izango da emakumeen aurkako indarkeria salatzeko. Aurretik, 18:30ean, Aretxabaletako neska gazteen elkarretaratzea izango da, Mitarte plazan, Pikarraituz asanblada feministak deituta.
'Minbizia atzo, gaur eta bihar izeneko hitzaldia egongo da gaur Goi Eskola Politeknikoko 7006 gelan. Hizlariak dira: Arkaitz Carracedo eta Amaia Zabala (CIC Bioguneko ikerlariak). Bertan 43 lagunendako tokia egongo da eta aurrez eman beharko da izena. Streaming bidez ere jarraitu ahal izango da: https://labur.eus/HYyfJ MUk eta Movember mugimenduak elkarrekin antolatutako hitzaldia da.
Udazken mendi ekitaldiaren baitan Segurtasuna mendian kurtsoa eskainiko dute Bergaran. EMFko kurtsoa izango da eta Iñaki Garai izango da dinamizatzailea.
Indarkeria Matxistaren Kontrako Nazioarteko Eguna izanik ordu laurdeneko elkarretaratzea, herriko plazan.
Artgazki taldeko hogei argazkilarik egindako lanak. Bakoitzak launa argazki ipini ditu ikusgai, hilaren 28ra arte. Astelehenetik zapatura arte, 17:30etik 20:30era arte.
Gurutze Mujika pintorearen erakusketa ikusgai. Astelehenetik ostiralera 11:ooetatik 13:00etara eta 18:00etatik 20:00etara. Zapatuetan berriz, 11:00etatik 13:00etara.
Hiru hamarkada bete ditu Kirol Argazkien Lehiaketak Bergaran, eta aurtengorako epaimahaiak aho batez hautatu ditu irabazleak. Bihar, azaroak 20, emango zaizkie sariak eta ondoren ikusgai egongo dira argazki horiek abenduaren 6ra arte, Aroztegin. Debagoiendarrek aurten ere ez dute hutsik egin: Juan Antonio Unzurrunzaga bergararrak bi sari irabazi ditu, eta Juan Jose Lopez Azurmendi bergararrak eta Aritz Gordo arrasatearrak, sari bana.
Jostailu bilketa egingo du Loratu egitasmoak. Etxean gordeta eta geldi dauden jostailuak, mahai-jolasak, liburuak, patineteak… jaso gura dituzte erabilera emateko. Materiala egoera onean egotea eskatu dute, eta gero hori desinfektatzeaz Loratuko kideak arduratuko dira. Udaletxe zaharrean jasoko dute. Ordutegia: Astelehenetik egubakoitzera: 16:00etatik 20:00etara. Zapatuetan: 10:30-13:00 Argibideak jasotzeko: loratu@loramendielkartea.eus edo 634 45 28 37