Irailaren 24ean, martitzena, egingo dute egun osoko irteera. Izen emateko egunak irailaren 16 eta 17a dira, eta txangoak 35 euroko prezioa izango du.
Irailak 16tik 22ra bitartean Mugikortasun Jasangarriaren Astea ospatuko da. 17rako, asteartea, patineteei buruzko ikastaro bat antolatu da: Ordutegia eta adina: 17:00: 6-9 urtekoak 18:00: 10-12 urtekoak Lekua: Luis Ezeiza eskolako kantxa Oharrak: Bakoitzak bere materiala eraman behar du eta gutxienez 6 pertsona beharko dira taldea osatzeko.
AGIJUPENS elkarteak pentsioen gainean Basotxoko bazkideek duten iritzia ezagutu gura du. Elkarte horretako zuzendaritza batzordeko kide den Pedro Etxebarriak gidatuta eztabaida saioa antolatu dute. Basotxon bertan izango da.
Bergara Hiria emakumezkoen pilota txapelketaren bigarren edizioa irailaren 6tik urriaren 1era izango da. Aurten, iaz ez bezala, txapelketa promes mailan bakarrik jokatuko da. Sei bikote lehiatuko dira, bi multzotan banatuta.
Irailaren 17tik 20ra bitartean egingo den Tomatearen Aste barruan Amaia Diaz de Monasterioguren dietista oñatiarrak hitzaldia eskainiko du: Gure tomatearen onurak.
Umeen danborradako entsegu orokorra egingo dute gaur Eltzian. Danborrada irailaren 21ean izango da.
Olaitturri Kultur elkarteak antolatuta, 'Hemeretzigarren mendeko bi karlistadak' izeneko hitzaldia. Hizlaria: Iñazio Irizar (Olaitturri) Aurkezlea: Karmen Biain (Olaitturri)
Presoen alde dantza herrikoi eta erraz bat egingo dute aurtengo jaietan. Helburua jaien hasieran falta direnak oroitzea eta kartzela politikak injustua salatzea izango da. Dantza hori parte hartzailea izatea gura dute eta herritar guztiak daude gonbitatuta.
Beinke-Loramendi dantza entsegua antolatu du Loramendi elkarteak sanmigeletara begira. Martitzenetan dira saioak, eta entsegu orokorra hilaren 26an, Herriko Plazan (19:00). Izena emateko bideak: euskara@loramendielkartea.eus eta 943 77 09 70 eta 685 75 67 29.
Irailaren 15etik 18ra, Donostian egingo den International Cold Forging Group (ICFG) mundu mailako hotzeko forjaketari buruzko konferentzia antolatzen dihardu Bergarako Miguel Altuna Lanbide Heziketak. Konferentzia Donostian izango den arren, Debagoieneko eta inguruko eskualdeetako hamabi enpresa eta berrikuntza zentro bisitatzeko aukera ere izango dute bertaratzen direnek.
Aretxabaletako tomatearen astean pintxo bereziak egongo dira Aretxabaletako taberna batzuetan.Informazio gehiago: 943 79 64 63 edo turismo@debagoiena.eus
Mugikortasun astearen barruan, Herribusa doan izango da aste honetan
Atzerritik etorri eta euskara ikasteko interesa dutenei "eskaintza berezi bat" egin zaie Haberen Aisa ikastaroen bidez; izan ere, euskara ikasten hasteko 60 orduko ikastaro berezi bat antolatu du udal euskaltegiak, Haberekin eta Udalarekin elkarlanean. Izena eman behar da irailaren 27a baino lehen, Irizar jauregian dagoen udal euskaltegira joanda edo telefonoz deituta: 943 76 44 53.