Miguel Altunak mundu mailako hotzeko forjaketaren gaineko konferentzia bat antolatu du, Donostian

Miguel Altunako ikasleak hotzeko forjako makinekin.

Irailaren 15etik 18ra, Donostian egingo  den International Cold Forging Group (ICFG) mundu mailako hotzeko forjaketari buruzko konferentzia antolatzen dihardu Bergarako Miguel Altuna Lanbide Heziketak. Konferentzia Donostian  izango den arren, Debagoieneko eta inguruko eskualdeetako hamabi enpresa eta berrikuntza zentro bisitatzeko aukera ere izango dute bertaratzen direnek.

Antolatzaileek azaldu dutenez, konferentziaren helburua da hotzeko forjaketa edo estanpazioaren inguruko ezagutzen eta azken berrikuntzen difusioa, nazioarteko lankidetza ardatz hartuta, eta prozesu ezberdinei loturiko ezagutzak sustatuko dira. 14 herrialde desberdinetako 110 aditu baino gehiagok eman dute izena dagoeneko.

Debagoienean eta ondoko eskualdeetan hotzeko forjaketan diharduten enpresa ugari daude eta sektore horren formazio espezifikoa eskaintzen da 2008az geroztik Miguel Altuna Lanbide Heziketan. 

Bilkuran entzule bezala parte hartzeko aukera zabalik dago oraindik ere.  Konferentziari buruzko informazio guztia izateko, klikatu hemen.